"Soliqlar va soliqqa tortish (IIqism) "Soliq nazariyasi"" fanidan mustaqil ta’limni tashkil etish bo’yicha uslubiy ko’rsatma fan dasturi va ishchi o’quv dasturlaridan kelib chiqqan holda ishlab chiqildi

II semestr uchun mustaqil ta’lim mavzulari va uni amalga oshirish shakli

№	Fani bo’yicha mazmuni	Mustaqil ta’limga oid bo’lim va mavzulari	Mustaqil ta’limga oid topshiriq va tavsiyalar
	Soliq siyosati va uning asosiy yo’nalishlari	Respublika soliq siyosatining asosiy yo’nalishlari. O’zbekiston va Xalqaro soliq siyosati: umumiylik va o’ziga xoslik	Case study tayyorlash, taqdimot va slaydlar
	Soliqqa oid huquqbuzarlik tushunchasi, turlari va javobgarlik to’g’risidagi umumiy qoidalar	Soliqqa oid huquqbuzarlik tushunchasi. Soliqqa oid huquqbuzarliklarning turlari hamda ularni sodir etganlik uchun javobgarlik. Soliqqa oid huquqbuzarlik uchun javobgarlikka tortishning umumiy shartlari.	Loyiha ishi tayyorlash, taqdimot va slaydlar
	Soliqlar va makroiqtisodiy holatning uzviy bog’liqligi	Soliq siyosatining yalpi talab va yalpi taklifga, investitsion muhitga ta’siri	Case study, taqdimot va slaydlar
	Soliq ishini tashkil etish asoslari	Soliq organlari faoliyatining huquqiy asoslari. O’zbekiston Respublikasi soliq organlarining tarkibiy tuzilishi	Esse, Case study taqdimot va slaydlar
	Xalqaro soliqqa tortish	Xalqaro soliqqa tortish va uning asosiy tamoyillari. Xalqaro soliqqa tortishning huquqiy asoslari	Esse, Case study taqdimot va slaydlar

Mustaqil ta‘limni tashkil etishning mazmuni: talabalar mustaqil ta‘limlari mavzulari kelgusida bajariladigan kurs ishlari va bitiruv malakaviy ishlari mavzulari bilan uzviylikda bajariladi. Mustaqil ta’lim uchun o`quv va ishchi o’quv rejada I semestrda 58 soat, II semestrda 50 soat ajratilgan.

Mavzuni yoritish jarayonida moliyaviy boshqaruv, moliyaviy nazorat, davlat byudjeti, sug’urta hamda xo’jalik yurituvchi sub’ektlar faoliyatiga taaluqli va ularni tartibga soluvchi me’yoriy hujjatlarni o’rganishga alohida ahamiyat qaratish lozim. Bunda O’zbekiston Respublikasi Qonunlari, Prezident Farmonlari va Qarorlari, Vazirlar Mahkamasi Qarorlarining asosiy mazmuni talabalarga yetkazilishi, ularning mavzuga oid qismlaridan ko’chirmalar tarqatma material sifatida o’rganilishi tavsiya etiladi. Qonun hujjatlarini o’rganishda axborot tizimlaridan foydalanish mumkin. Internet saytlari ma’lumotlaridan samarali foydalanish, O’zbekiston Respublikasida amalga oshirilayotgan ishlar, O’zbekiston Respublikasi Moliya vazirligi va Davlat Soliq qo’mitasi hamda ularning rasmiy saytlaridan yangi ma’lumotlarni olib foydalanish lozim.

Mustaqil ta'limni tashkil etish orqali fan mazmunini boyitish va uning ma’lumotlarini yangilab borishda axborot resurslaridan foydalanishni yo’lga qo’yish; fanning mazmunini yanada takomillashtirish maqsadida tavsiya etilgan chet el adabiyotlari ma’lumotlarini tarjima qilish va fanni chuqurroq o’rganish; talabalar fanni mukammal o’zlashtirish maqsadida mazkur fanga oid muammolarni hal qilish yo’llarini izlab topish va muammolarni maqolalar orqali yoritishlar ham kiradi.