Солиқ ҳисобининг объекти ва предмети

5) o’z ehtiyojlari uchun ishlab chiqarilgan va/yoki qazib olingan aksiz to’lanadigan tovarlarni berish.
Тovarlar soliq to’lovchi xarajatlarini amalga oshirish uchun berilishi mumkin, ular, o’z o’rnida, ishlab chiqarish va noishlab chiqarish xususiyatiga ega ishlar bilan bog’liq bo’lishi, soliq solish maqsadida esa, foyda solig’ini hisob-kitob qilishda chegiriladigan va chegirilmaydigan, deb e’tirof etilishi mumkin. Aksizli tovar korxonaning qaysi bo’linmasiga va qanday maqsadlarda berilishidan qat’i nazar, uning berilishi aksiz solig’i solinadigan oborot hisoblanadi. Soliq solinadigan baza o’z ehtiyojlar uchun berilayotgan aksiz to’lanadigan tovarlarning haqiqiy qiymatidan kelib chiqqan holda belgilanadi.
MISOL. Korxona - aksiz to’lanadigan mahsulotni ishlab chiqaruvchi mahsulotning 5 000 ming so’m tannarxli qismidan o’z ehtiyojlari uchun foydalanishga qaror qildi.
O’zi ishlab chiqargan aksiz to’lanadigan mahsulotni o’z ehtiyojlari uchun berishda, aksiz solig’i, QQSdan farqli ravishda, mazkur xarajatlar chegiriladigan va chegirilmaydigan xarajatlar bo’lishidan qat’i nazar, hisoblab yoziladi. Masalan, mazkur mahsulot turi uchun aksiz solig’i stavkasi 11%ni tashkil qilgan taqdirda, hisoblab yozilgan aksiz solig’i summasi 550 ming so’mni (5 000 x 11%) tashkil qiladi.
O’zi ishlab chiqargan mahsulot o’z ehtiyojlari uchun berilgan taqdirdagina QQS hisoblab yoziladi, ular uchun xarajatlar, SKning 147-moddasiga muvofiq soliq solinadigan daromad hisob-kitobida chegirilmaydi.
Quyidagilarga aksiz solig’i solinmaydi:
1) aksiz to’lanadigan tovarlarni ularning ishlab chiqaruvchilari tomonidan eksportga realizatsiya qilishga, bundan O’zbekiston Respublikasi Vazirlar Mahkamasi tomonidan belgilanadigan aksiz to’lanadigan tovarlarning ayrim turlari mustasno;
2) keyinchalik O’zbekiston Respublikasining bojxona hududidan olib chiqib ketilishi sharti bilan "bojxona hududida qayta ishlash" bojxona rejimiga joylashtirilgan tovarlardan ishlab chiqarilgan qayta ishlash mahsuli bo’lgan aksiz to’lanadigan tovarlarni topshirishga;
3) O’zbekiston Respublikasining bojxona hududiga:
O’zbekiston Respublikasi Vazirlar Mahkamasi tomonidan belgilanadigan tartibda insonparvarlik yordami sifatida;
davlatlar, hukumatlar, xalqaro tashkilotlar tomonidan xayriya yordami maqsadida, shu jumladan texnik ko’mak ko’rsatish maqsadida;
O’zbekiston Respublikasining xalqaro shartnomalari bo’yicha xalqaro va chet el hukumat moliya tashkilotlari tomonidan berilgan zayomlar (kreditlar) mablag’lari hisobiga, shuningdek grantlar hisobiga yuridik shaxslar tomonidan olib kirilayotgan, aksiz to’lanadigan tovarlarni import qilishga;
4) aksiz to’lanadigan tovarlarni O’zbekiston Respublikasining bojxona hududiga aksiz solig’i solinmaydigan tovarlarni olib kirish normalari doirasida jismoniy shaxslar tomonidan import qilishga. O’zbekiston Respublikasining bojxona hududiga aksiz solig’i solinmaydigan tovarlarni jismoniy shaxslar tomonidan olib kirish normalarining eng yuqori chegarasi qonun hujjatlarida belgilanadi;
5) vakolatli davlat organining yozma tasdig’i mavjud bo’lgan taqdirda, telekommunikatsiyalar operatorlari va tezkor-qidiruv tadbirlari tizimining texnik vositalarini sertifikatlashtirish bo’yicha maxsus organ tomonidan olinadigan tezkor-qidiruv tadbirlari tizimi texnik vositalarini import qilishga.