Солиқ ҳисобининг объекти ва предмети

Yuridik shaxslarning davlat ijtimoiy sug’urtasi xarajatlari bo’yicha to’lovlar hisobi va hisoboti.

Pensiya jamg’armasi shakllanishining boshqa elementlari ham bor:
"Fuqarolarning davlat pensiya ta’minoti to’g’risida"gi O’zbekiston Respublikasi qonunining’ 15 - moddasiga muvofiq tayinlangan mehnatda jarohatlanganlik yoki kasb kasalligi oqibatida nogiron bo’lganlarga pensiya to’lash xarajatlarini qoplash uchun regress talablar (da’volar) bo’yicha ish beruvchilar va fuqarolardan undiriladigan mablag’lar;
"Fuqarolarning davlat pensiya ta’minoti to’g’risida"gi O’zbekiston Respublikasi qonunining 14 - moddasiga muvofiq muddatidan oldin tayinlangan pensiyalarni to’lash xarajatlarini qoplash uchun o’tkaziladigan O’zbekiston Respublikasi Mehnat va aholini ijtimoiy muhofaza qilish vazirligining Ish bilan ta’minlashga ko’maklashish jamg’armasi mablag’lari;
"Fuqarolarning davlat pensiya ta’minoti to’g’risida"gi O’zbekiston Respublikasi qonunining 12 - moddasiga muvofiq tayinlangan imtiyozli pensiyalarni to’lash xarajatlarini qoplash uchun o’tkaziladigan korxonalar, muassasalar va tashkilotlar mablag’lari.
Amaliyotning ko’rsatishicha, ishlab chiqarishda jarohat olish ehtimoli doim bo’ladi. Shu sababli ayniqsa ishlab chiqarish baxtsiz hodisa yoki kasb kasalligiga duchor bo’lgan kishilarga qonun hujjatlarida kafolatlar va kompensatsiyalar nazarda tutilgan.
Baxtsiz hodisa - Mehnat kodeksi189-moddasining birinchi qismiga muvofiq xodimning sog’lig’iga mehnatda mayib bo’lishi, kasb kasalligiga chalinishi yoki u o’z mehnat vazifalarini bajarish bilan bog’liq holda sog’lig’ining boshqacha tarzda shikastlanishi sababli yetkazilgan zararni ish beruvchi to’liq hajmda to’lashi shart.
Zararni to’lash:

• 
  jabrlanuvchiga yo’qotgan ish haqi (daromad)ni to’lashdan;
  
• 
  sog’lig’iga shikast yetishi bilan bog’liq qo’shimcha xarajatlarning kompensatsiyasidan;
  
• 
  belgilangan hollarda esa - bir yo’la beriladigan nafaqa to’lashdan iboratdir (Mehnat kodeksi 190-moddasining birinchi qismi).