Солиқ академияси

Фаннинг вазифаси – талабаларга воқелик ва жамиятдаги воқеа-ҳодисаларнинг, жамият ҳаётида умумий психологик ҳодисалар, ҳолатлар ва жараёнларнинг моҳиятини таҳлил этишга, шахснинг камолоти ва унга таъсир кўрсатувчи омиллар, унинг индивидуал психологик хусусиятлари, эмоционал ва иродавий сифатларини таҳлил этишга ўргатишдан иборат.
Фан бўйича талабаларнинг билими, кўникма ва малакасига
қўйиладиган талаблар
“Психология” ўқув фанини ўзлаштириш жараёнида амалга ошириладиган масалалар доирасида бакалавр:

• 
  умумий психологик тушунчаларни, воқелик ва жамиятдаги воқеа-ҳодисаларни, шахснинг ўзида кечадиган ижтимоий-психологик жараёнларни, шахсни психологик тадқиқ қилиш усулларини билиши;
  
• 
  талаба воқеликни психологик мушоҳада этиш, нарса-ҳодисаларни илмийлик ва мантиқийлик асосида ўрганиш, илмий тафаккур ва психологик тасаввурнинг уйғунлигини таъминлаш, мустақил ва замонавий фикрлаш, кундалик фаолиятда умумий психологик билимларни ва қоидаларни қўллай олиш кўникмаларига эга бўлиши;
  
• 
  талаба воқеа-ҳодисаларни психологик нуқтаи назардан таҳлил ва тадқиқ қилиш, шахс мотивацияси, эмоционал ва иродавий сифатлари, индивидуал психологик хусусиятлари, шахс ва жамият орасидаги муносабатнинг психологик қонуниятларини аниқлаш малакаларига эга бўлиши керак.
  

Фаннинг ўқув режадаги бошқа фанлар билан ўзаро боғлиқлиги ва услубий жиҳатдан узвий кетма-кетлиги
«Психология» фани ўқув режасида режалаштирилган фалсафа, педагогика ва табиий фанлар билан алоқада ўрганилиб, бу фанлардан етарли билим ва кўникмаларга эга бўлишни талаб этади.
Фаннинг таълимдаги ва ишлаб чиқаришдаги ўрни
“Психология” гуманитар-ижтимоий-иқтисодий фанлар блокидаги фан бўлиб, кўплаб тармоқлараро муаммоларни илмий ўрганиш ҳамда таълим-тарбия, ижтимоий муносабатлар, меҳнат фаолияти, руҳий саломатлик ва кўпгина бошқа соҳаларда учрайдиган долзарб муаммоларни ҳал этишда ўз амалий тавсиялари, услубий воситалари билан иштирок этади.