«Soha iqtisodoyoti va menejment» fanidan Ma’ruzalar tuplami Nukus-2020 Ma’ruza 1

Кадрларни бошкаришни ташкил этишнинг таркибий тузилиши

Персонални бошкариш (персонал менежменти) – корхона, фирма даражасида ишчи кучи потенциалининг нормал ривожланиши, амал килиши ва ундан самарали фойдаланиш юзасидан ўзаро богланган ташкилий - иктисодий ва ижтимоий чора-тадбирлар тизимидир. Бу фикрни мисол билан тушунтирамиз (1-чизмага каранг).

Персонални бошкариш узлуксиз жараён сифатида намоён бўлади. У ходимларнинг мехнат килиш сабабларини, ундан максимал даражада фойда олишини, демак, корхоналар фаолиятида пировард юксак натижалар кўлга киритилганлигини билдиради.
Функционал жихатдан персонални бошкариш дейилганда, кадрлар сохасидаги ишлар билан боглик бўлган барча вазифалар ва карорлар, масалан, кадрларни танлаш, улардан фойдаланиш, уларнинг малакасини ошириш, мехнатига хак тўлаш, ишдан бўшатиш ва хоказолар тушунилади.
Ташкилий жихатдан бу тушунча оркали кадрлар билан ишлашга жавобгар бўлган барча шахслар ва институтлар, масалан, рахбар шахслар, кадрлар бўлими, ишлаб чикариш кенгашлари, касаба уюшмалари камраб олинади.
Инсон ресурсларини бошкариш шундан иборатки, одамлар корхонанинг ракобат бойлиги хисобланади. Уларни жойлаштириш, ривожлантириш, бошка ресурслар билан бирга асослаш керак. Бундан максад – корхонанинг стратегик максадларига эришишдир.
«Корхона персонали» тушунчаси анча умумий тарзда мазкур корхона ва ташкилотнинг барча ёлланган ходимларини камраб олади, улар мутлако аник вазифаларни бажарадилар.
Амалий нуктаи назардан персонал корхонанинг энг мухим ресурси бўлиб, унинг имкониятларини самарали амалга ошириш ёлланма ходимларининг муайян гурухи ёки айрим ходим томонидан хал этиладиган аник ишлаб чикариш вазифаларининг ўзига хос хусусиятларига мувофик равишда ижтимоий ечимларни талаб килади.
«Персоналнинг касбий-малака тузилиши» деган тушунчанинг ўзи бир хил маънони англатмайди. У бир-бири билан богланган учта мустакил жихатни камраб олади. Улар: иш кучининг касбий тузилиши; унинг малака тузилиши; малаканинг мазмунидан иборат. Бунда иш кучининг касбий тузилиши дейилганда, касбий гурухларнинг турли касб вакиллари нисбати, малака тузилиши дейилганда, турли малака даражаларига эга бўлган ходимларнинг нисбати тушунилади. Турли касбларга доир малака мазмуни муайян ишларни бажариш учун талаб килинадиган кўникмалар, билимлар, тажриба ва бошка таркибий кисмлар йигиндисини англатади. Ходимларнинг малакасига бўлган талаблар татбик этиладиган технологиялар хусусиятини бевосита белгилаб беради.