Соғлом бўлиш замон талаби

2-кун

• 
  Ўқувчилар учун“Ҳаётимдаги энг бахтли куним” мавзусидаги тренинг машғулоти
  

3-кун

• 
  Жисмоний тарбия эстафеталари (барча синфларда ўтказилади)
  

4-кун

• 
  Ўрта синфлар учун мўлжалланган “Биз танлаган йўл” тренинг машғулоти.
  
• 
  “Менинг келажагим” мавзусида давра суҳбати.
  
• 
  “Мактаб кайфияти” тадбири: барча мактаб маъмурияти ва ўқувчилар ҳозирги кайфиятига мос келадиган махсус ажратилган қутига рангли доира ташлашга таклиф қилинади. Кейин доиралар ранг бўйича сараланади, саналади ва иштирокчиларнинг ҳиссий ҳолатига нисбатан ранг қийматларига қараб талқин қилинади.
  

1-илова
“Ҳаётимдаги энг бахтли куним” тренинг машғулоти

• 
  Тренинг мақсади: ўз-ўзини билиш ва ўз тақдирини ўзи белгилашни рағбатлантириш, ўз-ўзини англашни ривожлантириш, шахснинг яширин салоҳиятини очиб бериш.
  
• 
  Вазифалар:
  

• 
  синфда қулай психологик иқлим яратиш;
  

• 
  ўз-ўзини ҳурмат қилиш, ютуқларни объектив баҳолаш қобилиятини ривожлантиришга ёрдам беринг;
  
• 
  шахсий фазилатларни ривожлантириш ва тузатиш бўйича индивидуал дастурни шакллантиришда ёрдам бериш.
  

• 
  Кутилаётган натижа:  ҳаётдаги мақсадларга эришишга, шахснинг энг яхши ва кучли томонларини аниқлашга имкон берадиган ресурс ҳолатларидан фойдаланиш тажрибасига эга бўлиш.
  
• 
  Ўтказилиш жойи: мактабнинг фаоллар зали
  
• 
  Вақти : 1 соат.
  
• 
  Иштирокчилар: мактабнинг ўрта синф ўқувчилари
  

Тренингни ўтказиш:
Тренингда ишлаш қоидалари билан танишиш.
Машқлар орқали саломлашиш.
Иштирокчилар 1-2- рақамлар орқали гуруҳларга бўлиниб, ички ва ташқи доирани ташкил қилишади.  Ички доиранинг ҳар бир аъзоси ташқи доиранинг аъзосига - “карусел” позицияси билан боғланган бўлади. Тренернинг буйруғи билан жуфтликлар бир-бирлари билан саломлашадилар, кейин ташқи доира вакиллари чап томондаги қўшнисиининг жойига ўтадилар ва ўйин шу тариқа давом этади.
Саломлашшиш усуллари:

• 
  ўнг тирсакларингиз билан,
  
• 
  чап тиззаларингиз билан,
  
• 
  тиз чўкиб француз қироллари ва маликалари сингари,
  
• 
  африкалик филлар сингари, оёқларини баланд овоз билан қоқиб,
  
• 
  бир қараш билан (масалан, кўз қисиш билан),
  

Қайта алоқа: машқдан кейин ҳиссий ҳолатингиз ўзгарганми?
“Ўз-ўзини идрок этиш” танишув машқи
Мақсад: ўзингизга ва бошқаларга бағрикенгликни намойиш этиш
“Бурж белгилари” машқи.
Гуруҳда ҳар бир иштирокчи бурж белгиси бўйича кимлигини ва улар ҳақида қандай мунажжимлар башорати борлигини айтиб беради.
“Ҳайкалтарошлик” машқи.
Ўқувчилар буржга хос тегишли ҳайкал яратиши керак. Ҳайкалтарошлик кўргазмаси гуруҳ ичида баҳоланади.
“Туғилган куним ҳақида билганларим” машқи.
“Менинг туғилган кунимда...” жумлаларини давом эттиринг. Тасаввур хосил қилиш учун қуйидаги вариантлар тавсия этилади: “Менинг туғилган куним қайси байрамга тўғри келади?”, “Менинг туғилган кунимда одатда об-ҳаво билан боғлиқ ажойиб ҳолатлар содир бўлади” ва ҳоказо.
“Менинг энг яхши туғилган куним” машқи.
Ҳаётингиздаги энг унутилмас туғилган кун ҳақида бизга гапириб беринг (энг узоқ кутилган, сизни ажаблантирган ва ҳоказо.)
Ушбу хотира ресурс ҳолати сифатида ишлатилиши мумкин.
“Мақтов” машғулоти
Туғилган кунида боланинг хусусиятлари ва афзалликлари ҳақида гапириш одатий ҳолдир. Гуруҳ доира бўлиб туришади ва доирадаги ҳар бир иштирокчи мақтовлар билдиради, шахснинг ижобий фазилатларини таъкидлайди.
“Совға” машғулоти
Кўпгина давлатларда туғилган кунларни ташкил қилиш ва туғилган кунида болага совғалар бериш одатий ҳолдир.
Совғалар бериш ва қабул қилиш – бу ҳам бир санъат асари сингари, чунки бу инсоннинг ички маданиятини намоён қилади. Бу жараёнда сиз қимматбаҳо совға ёки шунчаки ёқимли сувениер берганингиз муҳим эмас.
Совға шунчаки табриклаш воситаси эмас, балки инсонга бўлган яхши муносабатимизнинг ифодаси бўлиши керак. Совғалар бериш инсоннинг бошқаларни севиш қобилиятининг қанчалик ривожланганлигини кўрсатади.
Ўқувчилар объектни – совгани тасвирлаш учун пантомимадан фойдаланади ва уни ўнгдаги қўшнисига беради (қора денгизга саёҳат, безак, торт, гул ва бошқалар.).
“Концерт” машғулоти
Туғилган кунида одатда туғилган кунини нишонлаётган бола атрофида айлана шаклида рақс уюштиришади ва туғилган кунлар ҳақида қўшиқлар куйлашади.
Гуруҳ бир йиллик: қишки, кузги, ёзги ва баҳорги ойларга бўлинишади.
“Туғилган кунлар ҳақида ким кўпроқ қўшиқ куйлайди” саволи орқали жамоалар ўртасидаги мусобақа ўтказилади.
Ғолиб жамоа учун қолган иштирокчилар соврин сифатида умумий қўшиқ куйлашади.
Якуний босқич.
Даврада ҳамма қўлларини бирлаштириб, машғулотда қатнашгани учун бир овоздан “барчангизга раҳмат” ва “ўзимга раҳмат” дейишди.