СоғЛИҚни сақлаш вазирлиги

10. 3. ДОРИ ВОСИТАЛАРИГА БЎЛГАН ЭҲТИЁЖНИ АНИҚЛАШ 
УСУЛЛАРИ. 
 
Дори воситаларига бўлган эҳтиѐжни аниқлаш учун бир неча усуллар 
кенг миқѐсда қўлланилади: 
Меъѐрий усул – аниқ касалликларни даволашда қўлланиладиган маҳсус 
таъсирга эга бўлган воситалар (диабетга, силга, шишга қарши ва б.) учун. Бу 
усул битта даволаш курсидаги воситаларни оптимал тўпламига ва 
касалликнинг объектив статистикасига асосланган. Ушбу усул оддийлиги, 
арзонлиги, қулайлиги билан ажралиб туради.
Иқтисодий-математик усуллар
Бу усуллар кенг омилли корреляцион-регрессион таҳлилга асосланган.
Мантиқий-иқтисодий усуллар экспертли баҳолашига асосланган. Бу усул 
муоммоларни ҳал қилувчи мутахассисларнинг фикрлари билан боғлиқ. Дори 
воситаларини таҳлили ва эҳтиѐжини истиқболлашда турли гуруҳ воситалар 
истеъмоли шаклланишини ўзига хос эканлигини ҳисобга олиш зарур. 
Истеъмолига кўра дори воситалари 3 гуруҳга бўлинади:
Меъѐри чекланган дори воситалар (гиѐҳвандлик воситалари, психотроп 
моддалар, этил спирти в.б.). 

---

149 
Маҳсус таъсирга эга, 1-2 касалликни даволашда ишлатиладиган 
воситалар. 
Кенг спектрда таъсир этувчи, кўп касалликларни даволашда ѐки уларни 
олдини олишда ишлатиладиган дори воситалар (иситма тушурувчи, 
сульфаниламидлар, витаминлар ва б.). 
Меъѐри чекланган дори воситаларига бўлган эҳтиѐжни аниқлаш. 
Ушбу гуруҳ гиѐҳвандлик воситалари, психотроп моддалар ва этил 
спиртини ўз ичига олади. Ўзбекистон Республикаси Соғлиқни сақлаш 
вазирлиги томонидан (17.06.96й. 489-сон буйруқ) гиѐҳванд ва психотроп 
дори воситаларга 1 йилга 1000 та аҳоли учун аниқ миқдорий меъѐрлар 
ҳисобланган. Хусусан: морфин - 0,3 гр, промедол – 5,0, омнопон – 0,3 ва ҳ.к. 
Даволаш - профилактика муассасаларида бу меъѐрлар ўринлар сони ва 
муассаса йўналишига кўра белгиланади.
Этил спиртининг меъѐри даволаш муассасининг тури, ижтимоий 
таъминоти билан боғлиқ. 
Масалан, даволаш муассасалари учун қуйидаги меъѐрлар қўйилган: 
1. 
Дорихона муассалари учун: 1000 та якка тартибда тайѐрланиш 
лозим бўлган рецептлар учун 2800гр. 
2. Касалхона учун: жарроҳлик профилактикасида битта бемор учун – 
400гр, терапияда -170гр. 
3. Амбулатория–поликлиника учун: битта та рўйҳатда турувчи бемор 
учун йилига- 50гр.
Соғлиқни сақлаш муассасаларига спиртлар турли эритмалар бор, 
салицил, ментол кўринишида ҳам юборилади. 
Ижтимоий таъминот муассаларида этил спирти меъѐрлари қуйидагича; 
1) Мактабларга: битта ўқувчи учун йилига 2 гр. 
2) Мактабгача тарбия муассасаларида: битта ўрин учун йилига 20 – 100 гр. 
Меъѐри чекланган воситаларни эҳтиѐжи қуйидаги формула орқали 
амалга оширилади:
М * С 
Э = ----------- , 
1000 
Бу ерда М – 1000 та аҳоли учун йиллик истеъмол меъѐри, 1000 та 
рецепт ва бошқалар. 
С – аҳолини сони, рецептларни сони ва бошқалар. 
Э – дори воситаларга бўлган эҳтиѐж.