Соғлиқни сақлаш соҳасида давлат-хусусий шерикликни ривожлантириш чора-тадбирлари тўғрисида

6-боб. Ер участкаларини тақдим этиш
56 Давлат-хусусий шериклик тўғрисидаги битимда назарда тутилган давлат-хусусий шериклик тўғрисидаги битим объекти жойлашган ва (ёки) фаолиятни амалга ошириш учун зарур бўлган ер участкаси, давлат-хусусий шериклик тўғрисидаги битимида белгиланадиган ҳамда битимнинг амал қилиш муддатидан ошмайдиган муддатларга хусусий шерикка вақтинча эгалик қилиш ва фойдаланиш мақсадида тақдим этилади.
57. Давлат-хусусий шериклик тўғрисидаги битим тузилган кундан бошлаб 1 кун муддатда давлат шериги хусусий шерикнинг аризасини, шунингдек, ваколатли орган ва ташкилотларнинг ер участкасини танлаш бўйича маълумот ва хулосаларини Қорақалпоғистон Республикаси Вазирлар Кенгаши, Тошкент шаҳар ва вилоятлар ҳокимликлари ёки туман (шаҳар) ҳокимликларига битимда кўрсатилган шартларда ер участкаси ажратиш тўғрисида қарор қабул қилиш учун юборади.
58. Қорақалпоғистон Республикаси Вазирлар Кенгаши, Тошкент шаҳар ва вилоятлар ҳокимликлари ёки туман (шаҳар) ҳокимликлари 3 кун муддатда хусусий шерикка ер участкасини ажратиш тўғрисида қарор қабул қилади ва қарорни Қорақалпоғистон Республикаси, Тошкент шаҳар ва вилоятлар ер ресурслари ва кўчмас мулк кадастри давлат корхонасининг тегишли туман (шаҳар) филиалига юборади ҳамда бу ҳақда давлат шеригини хабардор қилади.
59. Қорақалпоғистон Республикаси, Тошкент шаҳар ва вилоятлар ер ресурслари ва кўчмас мулк кадастри давлат корхонасининг тегишли туман (шаҳар) филиали ер участкаси ажратиш тўғрисида қарорни олгандан сўнг, 2 иш куни ичида тақдим этилган ҳужжатлар асосида ер участкасига эгалик ҳуқуқини рўйхатдан ўтказади ва хусусий шерикка Кўчмас мулк объектига эгалик ҳуқуқи тўғрисида давлат реестридан кўчирма беради.
60. Ер участкаларини танлаш ва тақдим этишга оид ҳужжатларни тайёрлаш ва келишиш билан боғлиқ харажатлар ер участкасига эгалик ҳуқуқи қайд қилинганидан сўнг хусусий шерик томонидан қопланади;
61. Давлат-хусусий шериклик тўғрисидаги битимнинг амал қилиш муддати тугаши билан ёки битим муддатидан олдин бекор қилинганда, хусусий шерик давлат шеригига давлат-хусусий шериклик тўғрисидаги битим шартларига мувофиқ ер участкасини қайтариши шарт.