Сўнгги йилларда дунёда фавқулодда вазиятларнинг сони ва қамрови ошиб бораётганлиги кузатилмоқда

Хавфсизлик маданияти – бу хавфсизликни таьминлаш соҳасида инсоннинг онгли фаолият усули, шунингдек бу соҳадаги фаолият натижаси ҳамда шахс ва жамиятнинг ривожланлик даражаси [11].
Британия Саноатчилар Иттифоқи 1991 йилда хавфсизлик маданиятини “ташкилотнинг барча аъзолари томонидан хавф-хатар, бахтсиз ҳодисалар ва саломатликка таҳдидлар ҳақида умумий фикр
ва эътиқодлар тўплами” деб атаган.
Хавфсизлик маданиятининг моҳиятини таҳлил қилиш шуни кўрсатдики, таърифлар компонентлар билан бирлаштирилмаган индивидуал ва шахсий хусусиятлар рўйхатини тақдим этади, бу эса хавфсизлик маданиятини шакллантириш жараёнини ташкил этишни
ва унинг самарадорлигини ўрганишни мураккаблаштиради.
Хавфсизлик маданиятини шакллантириш мактаб ёшидаги инсонлар учун энг мақбулдир. Ушбу даврда ёшларнинг мустақил ҳаёт тарзини тарбиялаш учун асос бўладиган хавфсиз ҳаракатлар нормалари
ва қоидаларига риоя қилишларини рағбатлантирадиган мотивларни шакллантириш осонроқдир.
Юқори синф ўқувчиси (илк ўсмирлик даври 14-15 ёшдан 17 ёшгача) ривожланишнинг янги ижтимоий ҳолатига ўтади. Ушбу давр мобайнида ўқувчиларни аниқ фаолиятга йўналтирилиши муҳим аҳамият касб этади. Бу ўзини ўзи ирода қилиш ҳуқуқини билишга, ўзининг бошқалардан устунлигини кўрсатишга интилиш билан боғлиқ.
И.С.Кон ўрта мактаб ўқувчиларининг асосий хусусиятларидан бири - бу ўз-ўзини англаш, дунёқарашни ривожлантириш, турмуш даражаси, касбий йўналиш ва уларнинг келажакда катталардаги ижтимоий мавқеининг таърифи деб ҳисоблайди [10].
Ҳаёт фаолияти хавфсизлиги – инсонни ҳар қандай муҳитдаги фаолиятида унинг хавфсизлиги ва соғлигини таъминловчи, хавфли
ва зарарли омиллардан ҳимоя қилувчи амалиёт ва назарияни қамраб олган илмий билимлар мажмуидир [28].
Ҳаёт фаолияти хавфсизлиги маданияти – инсон ҳаётининг ривожланиши, ижтимоий гуруҳ, жамият хавфсиз ҳаёт ва меҳнат фаолиятини таъминлашга ва энг муҳими, хавф даражасини пасайтиришга қаратилган фаол амалий фаолият билан тавсифланади [26].