Sáne: 3-aprel 2019-jıl Pàn: Tariyxtan gúrrińler. Klass: 5-klass Tema: birin

Qozǵalańnıń jeńiliw sebepleri hàm àhmieti. Qozǵalańshılar kolonizatorlarǵa qarsı gúreste heshqanday tàjiriybege ie emes edi. Olar heshqanday arnawlı tayarlıqlardan da όtpegen. Olardıń quralları, tiykarınan, ketpen, jaba hàm tayaqlardan ibarat edi. Kolonizatorlardıń àskerleri bolsa zamanagόy qural-jaraq penen tàmiyinlengen edi. Qalaberse, qozǵalańǵa aldınnan puqta tayarlanılmadı. Soǵan qaramastan, milliy azatlıq kόterilisiniń qatnasıwshıları kolonizatorlar tàrepinen ayaq-astı etilgen huquqların tiklew ushın gúresti. Watannıń pidayı perzentleri ekenligin kόrsetti. Kúshler teń bolmaǵan sawashta kόrsetken erlikleri menen Watanımız tariyxında όshpes at qaldırdı. 1916-jılı milliy azatlıq hàreketi Rossiya imperiyasın qattı tàshwishke saldı. Onıń Túrkstandaǵı kúsh-quwatın hàlsiretti. Qozǵalań Túrkstan xalqın màrdikarlıqqa alıw haqqındaǵı pàrmanınıń tolıq orınlanıwına jol qoymadı. Nàtiyjede, màrdikarǵa rejedegiden eki ese az — uluwma 120 mıńnan zıyat adam jiberildi. Olar Rossiyanıń hàr túrli múeshlerinde ashlıqtan, qorlıqtan azap shekti. Kόpshiligi qattı suwıqtan hàm hàr túrli keselliklerden όlip ketti. Bir bόlegi bolsa όmirlik mayıp bolıp qaldı. Qozǵalań Watanlaslarımızdıń όz huquqları ushın gúrese alıw múmkinshiligin dàlilledi. Kolonizator húkimetke azatlıq hàm ǵàrezsizlik ushın gúres tuyǵıları heshqashan sόnbeytuǵınlıǵın jàne bir màrtebe kόrsetip qoydı.