Ўсмирларда иродавий сифатларнинг таркиб топиш жараёнининг ижтимоий психологик омиллари деб номланади Мавзунинг долзарблиги

Битирув малакавий иш предмети. Ўсмирларда иродавий сифатларнинг таркиб топиш жараёнининг ижтимоий психологик омиллари
Битирув малакавий иш объекти : Ўсмирлар шахсида иродавий сифатларнинг таркиб топиш жараёни


Битирув малакавий иш вазифалари:

1. Таълим жараёнида ўсмирлар характерида иродавий хусусиятларининг ўзига хослигини ўрганиш.

2. Ўсмирларда иродавий хусусиятларини шакллантиришнинг шарт-шароитларини аниқлаш.
3. Ўсмирлар иродавий хусусиятларини шакллантиришга таъсир қилувчи айрим психологик омилларни тадқиқ этиш.
4. Ўқувчилар характерида иродавий хусусиятларини шакллантириш тизимининг тажрибада текшириш ва амалий тавсияларни ишлаб чиқиш.


Битирув малакавий иш методлари: мавзу бўйича адабиётларнинг назарий тахлили, кузатиш, шахснинг иродавий бошқарувдиагностикаси( вск), ўзингизни идора эта оласизми? методикаси, америкалик психологлар Мак-портлен ва Кун томонидан ишлаб чиқилган”Мен кимман” методикаси
.
Битирув малакавий ишнинг илмий фарази.
Ўсмирларнинг ёшга оид омиллари ҳисобга олинса, шахснинг таълим жараёнида характерологик хусусиятлари шаклланиши бошқариб борилса, улардаги иродавий хусусиятларини таркиб топтириш юксак самаралар бериши мумкин;
Ўсмирлар иродавий хусусиятларини шаклланиш жараёни шахснинг умумий йўналганлиги, ижтимоий тарбия омиллари, установкалари, тасаввурлари, имкониятлари мутаносиблиги омиллари асосига қурилиши ва намоён бўлиши эҳтимол;
Ҳимояга олиб чиқиладиган ҳолатлар:

1. Ўсмирлардаги иродавий хусусиятларини шакллантиришнинг мазмуни ва ўзига хос жабҳалари мавжуд бўлиб, улар муайян босқичларда у ёки бу механизмлар таъсирида рўёбга чиқади. Ушбу жараённинг муваффақияти кўп жиҳатдан ҳам объектив, ҳам субъектив омилларга боғлиқ.

2. Ўсмирлар олдига қўйиладиган талабларга асосланган ҳолда иродавий хусусиятларини уларда шакллантиришнинг модель тузилмаси мазмуни икки хил фазилатга эга бўлган жабҳани мужассамлаштиради ва бир бутунликни ўзида акс эттиради, натижада ўзига хос барқарор тизимни вужудга келтиради.
3.Ўсмирлар иродавий хусусиятларини шакллантиришда улар ўртасида ёшга оид тафовутларини, индивидуал-психологик томонларини намоён этади.
4. Ўсмирлар иродавий хусусиятларни таркиб топиши ижтимоий психологик омиллар ўрни ва ахамияти алохида эътиборни талаб қилади