Sizni kuylayman

PARI  HAQIDA  HIKOYA
Bilagingdan,  labingdan 
Binafsha  bo'yi  kelar.
Yig'i  kelar labimdan, 
Bo'g'zimdan  o'yib  kelar.
Qayda  ertaklar yurti,
Qay tomonda  Xorazm?
Firoq jonimdan  o'tdi,
«Galdi  seni  go'rasim».
Tola  soching  kuydirdim, 
Uchib  kelding.  Serzarda.
Men jim  turdim. Тек turdim. 
0,  agarda,  agarda!
Derding,  netayotirsan,
Meni  tinch  qo'y,  iltimos.
Sen  bor-yo'g'i  shoirsan,

---

Sizni  kuylayman  (she'rlar to'plami).  Iqbol  Mirzo
Ya'ni  odamsan,  xolos!
Menga  tekkandi  pari,
Yo'q,  to'g'risi, jin  chaldi. 
Pirpiradi  lablarim:
«Sani  go'rasim  galdi...»
Hayron  turding.  Bo'shashding, 
Chaqildi  ishq  chaqmog'i.
Men  oshiqdim.  Men  shoshdim. 
Gulga  to'ldi quchog'im.
Bilagingdan,  labingdan 
Binafsha  bo'yi  keldi.
Bir o't chiqdi qalbimdan, 
Tomog'im  kuyib  keldi.
Shivirlading,  shoirim,
Ishq  yolg'ondir,  yig'ingil. 
Muhabbatning  oxiri 
Pushaymondir,  yig'ingil.
Soching  yuzimga  surdim,
0,  ko'zimning  qorasi.
Qayda  ertaklar yurti,
Qay tomonda  Xorazm?
Tongda  firoq  muqarrar,
Hijron  kutar saharda,
Birga  ichaylik zahar,
O,  agarda,  agarda!
...  Parilar hiylasini 
Bilmas odam  bolasi.
Ko'ylagim  tugmasiga 
Bog'langan  soch tolasi...
1995