Siyrak va zich biriktiruvchi to’qima morfo funksiyasi

5.Yog’ hujayralari yumaloq shaklda bo’lib ustidan, parda o’rab turadi. Sudan buyog’i bilan bo’yalgan yog’ to’qimada hujayralardagi yog’ tomchilari marjonga o’xshab to’q sariq rangda bo’yaladi.Hujayra tarkibida yog’ tomchilaridan tashqari esteraza, fosfotaza va boshqa fermentlar ham uchraydi. 6.Retikula hujayrasi. Umurtqali hayvonlar organizmida ko’p tarqalgan to’qimalarga kiradi. U aksariyat qon hosil qiluvchi organlarda, chunonchi suyak ko’migi, limfa tugunlari va taloqda hamda jigarda ko’p uchraydi. Retikula hujayralari kam tabakalangan va mo’l tabakalangan hujayralarga bo’linadi. Kam tabaqalangan hujayralarda kiritmalar bo’lmaydi, hamma organoidlari bo’ladi, yadrosi ovalsimon, oqish bo’yaladi. Bu hujayralar boshqa hujayralarga aylanish xususiyatiga ega. Ular fiziologik holatiga qarab gemositoblast, makrofaglar, fibroblast hujayralariga aylanishi mumkin. Bu hujayralarning yana eng muhim xususiyatlaridan biri ta`sirlanganda yumaloqlanib boshqa yon hujayralardan ajralib olishidir.

Bola taNasining rivojlanishidagi yog’ hujayralari

7.Pigment hujayralari ovalsimon yoki cho’zinchoq shaklda bo’lib atrofida uzunligi har xil mayda o’simtalar bo’ladi. Odamlarga pigmentlar to’g’ri ichakning tashqi chiqaruv teshigi atrofida, yorg’oqda, ko’krak surg’ichlarining atrofida, ko’zning tomirlari va rangdor pardalarda uchraydi. Bu hujayralarga melanoblastlar deyiladi. Pigment hujayrasi sitoplazmasida melanin pigmentning mayda donachalari bor. Bu donachalar ultrabinafsha nurlar ta`sirida kamayib ko’payib turadi. U terozinaza fermenti ta`sirida tirozin aminikislotasidan hosil bo’ladi, uning asosiy vazifasi organizmni quyoshning ultrabinafsha nurlaridan saqlashdir. 8.Adventisial (kombial) hujayralar asosan kapilyar qon tomirlar atrofida ko’p rivojlangan bo’ladi. Duksimon shaklda o’rtasida 1 ta yadrosi bor, organoidlari kam rivojlangan. 9.Perisitlar endoteliy hujayralarining bazal membrana bilan tutashgan qismidagi oraliqdagi ko’p o’simtalarga ega hujayra ko’rilgan bo’lib unga perisit yoki perikapilyar deb aytiladi. Qon tomirlari devorida adventisial hujayralar uchraydi. Ko’p olimlar adventisial va perisit hujayralar 1 ta hujayra deb yuritgan.