Синтаксис

 

 

1. Gap bo`laklari sanalmaydigan so`z va birikmalar haqida umumiy ma`lumot. 

 

Gap tarkibida ba`zan shunday so`z va birikmalar (hatto gaplar) uchraydiki, ular mazkur gap 

yoki  uning  biror  bo`lagi  bilan  grammatik  jixatdan  emas,  faqat  mazmun  jixatdangina  aloqaga 

kirishadi (bog`lanadi.) Undalma, kirish so`z,kirish birikma va kiritma gap ana shunday xususiyatga 

ega. 

 

2. Undalma. 

 

Undalma  so`zlovchining  nutqi  qaratilgan  shaxs  (yoki  predmet)ni  anglatib,  bosh  kelishik 

shaklidagi  ot  va  otlashgan  so`z  bilan  ifodalanadi.  Bu  jihatdan  undalma  egaga  o`xshaydi,  ammo  u 

gapning kesimi bilan grammatik jihatdan bog`lanmasligi, o`ziga xos undash intonatsiyasiga egaligi 

bilan  farq  qiladi.  Masalan:  Kamtarlik  qilma,  Yigitali,  buni  o`zingizning  halol  mehnating  tufayli 

olding. (S.Karomatov.) 

 

Undalma  ba`zan  so`z  birikmasi  orqali  ifodalanishi  mumkin.  Masalan:  Men  o`zim  faqat 

amaliyotchi  muxandisman,  xurmatli  do`stim  Fayzullo..  (As.M.)Undalma  gap  boshida,  o`rtasida, 

oxirida  kelishi  mumkin.Masalan:  Do`stim,  menga  yaxshi  maslaxatlar  berdingiz.  (A.q,)  Tek  tur, 

Gulsari,  tek  tur,  jonivor,  —  der  edi  xo`jayini.  (Ch.Ayt.)  To`tri,  vatangadolikdan  og`ir  dard  yo`q, 

do`stim. (Shuhrat.) Yozuvda undalma gapning boshqa bo`laklaridan vergul bilan ajratiladi: gapning 

boshida  kelsa,  undalmadan  so`ng,  gapning  oxirida  kelsa,  undalmadan  oldin,  gapning  ichida  kelsa, 

har ikki tomondan vergul qo`yiladi. 

 

Undalma  kuchli  his  —hayajon  bilan  aytilsa,  undan  so`ng  undov  belgisi  qo`yiladi:  Kechir 

meni! Nodon, ko`zi ko`r, toshmehr dadangni kechir qizim! (Yo.Sh.)