Синтаксис

 

2. Holning ma`no jihatdan turlari. 

 

Hollar ma`nolari jihatdan bir necha turga bo`linadi. 

 

Ravish holi ish — harakatning qay tarzda bajarilishini bildiradi.  

Masalan: 

Qurilishdagi 

hayot g`ildiragi tobora jadal aylanib borardi. (JAbdullaxonov.) 

 

Ular quvnab — quvnab hol—ahvol so`rashdilar.(As.M-) 

 

Payt holi ish — harakatning bajarilish paytini anglatadi. Masalan: Aziz tajriba maydonidan 

allamahal keldi.(O`.Usmonov.) Boshqarma tongdanoq arining uyidek g`uvillab yotardi.(As.M,) 

---

 

16 

 

O`rin  holi  ish  —  harakatning  bo`lish,  yo`nalish,  boshlanish,  o`rnini  bildiradi.  Masalan: 

Cho`qqida  yashashning  ta`rifi  ulug`,  Cho`qqidan  olam  keng,  Cho`qqidan  yorur!!!  (Shuhrat.) 

Cheksiz qo`ng`ir dasht ichida bu bir kaftdakkina joyni egallagan, xolos. (Mirm.)Nur bor joyda soya 

ham bo`ladi-da, qizim.(O`.H) Mashinani tez o`ngga burib, yo`lga to`g`riladi, (B,Boyqobilov.) 

 

Miqdor—  daraja  holi  ish  —  harakatning  bajarilish  darajasini,  shu  bajarilish  bilan  bog`liq 

bo`lgan  miqdorni  bildiradi.  Masalan:quyosh  salgina  qaytsa  ham  issiq  sezilib  turardi.(Sh.R.) 

Mehmon oz o`tirar, lekin ko`p ko`rar. (Maqol.) Bu yo`llardan o`tdi ular necha bor.(B.Boyqobilov.) 

 

Sabab  holi  ish  —  harakatning  bajarilish  sababini  anglatadi.  Masalan:  Vazira  qo`rqqanidan 

qalt—qalt titrar edi.(P.q) Negadir, Kamalxonov ham kuldi.(A.q.) 

 

Maqsad holi ish —harakatning bajarilishidagi maqsadni bildiradi. Masalan: Kamalxanov ... 

o`zini jiddiy ko`rsatish uchun qoshlarini chimirdi.(A.Q.) Atay izlab keldim, oh, qoya, Sen naqadar 

mag`rur va kibor. (Mirtemir.) Bir yili yozda ... dam olgani kurortga ketdilar. (J. Abdullaxonov)