Sintaksis haqida umumiy ma’lumot

*** So’z birikmasi zanjirida ikkidan ortiq so’zlaar qatnashsa-da, ularda ham har doim ikkita qism: tobe va hokim qism mavjud bo’ladi.
Masalan,

So’z birikmasi	Tobe	hokim
paxta gulli chinni piyola	paxta gulli	chinni piyola
uchta paxta gulli chinni piyola	Uchta	paxta gulli chinni piyola
shimoldan esgan shamol	shimoldan esgan	shamol
shimoldan esgan mayin shamol	shimoldan esgan	mayin shamol
uch kundan beri shimoldan esgan mayin shamol	uch kundan beri shimoldan esgan	mayin shamol
oq sallali odam	oq sallali	odam
To’rtta qora ko’zoynakli semiz odam	To’rtta	qora ko’zoynakli semiz odam

*** Bitta gap tarkibida bitta yoki ikkita so’z birikmalari zanjirigina bo’la oladi. Bu zanjirlar gapning kesimi yoki egasi atrofida birlashadi.

Masalan, 1.Ega atrofida birlashgan so’z birikmasi zanjiri – Badanni junjituvchi sovuq shamol izg’ib qoldi.
2.Kesim atrofida birlashgan so’z birikmasi zanjiri – Bu masalani tezda yechish kerak.
Sayohatchilar daraning pillapoya kabi yotiqroq yerlaridan yuqoriga intildilar.
3.Ega va kesim atrofida birlashgan so’z birikmasi zanjiri – Kishi moliga suq podsholarni ko’p ko’rgan Binoiy o’n olti yoshli Boburning bunchalik halolligidan juda qattiq ta’sirlandi.
Darveshalining zindonda yotishi Alisherning yuragida dushmanlik olovini yoqdi.