Sinf rahbarining tarbiyaviy ishlar rejasini tuzish metodikasi

Rejaning shakl va yo‘nalishlari rang-barang hamda istiqbolli bo‘lishi. Tarbiyaviy ishning xilma-xil shakl va uslublari bo'yicha ish olib borish tarbiyaviy ishlarni o’quvchilar uchun yanada rang-barang va qiziqarli tarzda olib borishga yordam beradi. Rejada o ‘quvchilar bilan faqat umumiy holda emas, balki shu bilan birgalikda bolalarning qiziqishlari va mayllarini hisobga olgan holda ham ish yuritishni nazarda tutish muhimdir.
Reja uzluksiz va izchil bo’lishi. Rejada belgilanadigan tarbiyaviy tadbirlar yagona tarbiyaviy jarayonning tadrijiy bo'laklaridan iborat bo’lmog’i kerak. Har bir tadbir o'zidan oldingi tadbirning davomi bo’lishi va erishilgan tarbiya natijalariga asoslanishi lozim. Bu uzluksizlik va izchillikni ta’minlaydi, erishilgan yutuqlar, qimmatli ko’nikmalarni yo’qolib ketishdan saqlaydi.


Rejaning aniqligi. Rejaga bajarib bo’lmaydigan ishlarni kiritmaslik kerak. Ishni rejalashtirishda mahalliy sharoitlardan kelib chiqish lozim.
Rejada hamma narsa: ish vaqti, joyi, mas’ullar aniq bo’lishi, o’tkazilgan
tadbirdan kutilayotgan taxminiy natijalar ham berilishi lozim.
Sinf rahbarining tarbivaviy ishlar rejasi - bu majburiy pedagogik
hujjatdir. Uni amalga oshirish uchun sinf rahbari shaxsan mas’uldir.
“Sinf rahbari haqida Nizom”da: “Sinf rahbarining ishi reja asosida olib
borilishi lozim”, deb belgilab qo’yilgan.Sinf rahbari umummaktab ish rejalari, bolalar yetakchisi,“KarmoIot” yoshlar jamg’armasi kotibi ish rejalari bilan tanishib, direktor o’rinbosarlari, sinf o’qituvchilari, sinf faollari, ota-onalar bilan fikrlashib, ularning qimmatli takliflarini hisobga olgan holda ishning istiqbolli rejasini tuzadi.Ishning istiqbolli rejasi sinf jamoasi tomonidan to’plangan tajribaga qarab va sinf rahbarining o’z vazifalariga muvofiq ravishda bir yoki bir necha yilga tuzilishi mumkin. Nizomda “Sinfning yillik ish rejasi tuziladi. Uni tarbiyaviy ishlar bo'yicha direktor o’rinbosari tasdiqlaydi” deyilgan.
Rejaning ifodalash shakli juda oddiy bo’lgani ma’qul: ishning nomi,
bajarish muddati, mas’ul kishi. Reja qisqa va aniq bo’lishi kerak. Bo’lar
bo’lmas ishlar ro’yxatini qalashtirib, behuda sharoitingizga mos bo’lmagan keraksiz reja tuzishga berilib ketmaslik kerak. Rejaga faqat hayot ilgari surgan va o’quv yili davomida muvaffaqiyatli bajarilishi mumkin bo’lgan tadbirlarnigina kiritish lozim. Kiritilgan tadbirlar ham biri bog’dan, biri
tog’dan olib yozilmasligi, balki ular tarbiyaviy ishlar tizimida bir-biri bilan bog’langan, bir-birini to’ldiradigan holda tizimli bolishi zarur. Reja bola shaxsiga ta’sir ko’rsatuvchi turli tarbiyaviy omillarning nafaqat umumiy, balki xususiy aniq tadbirlarni ham o’z ichiga olishi kerak