Ўсимликлар физиологияси фанига кириш. ҲУжайра физиологияси

Ўсимликларнинг асосий функцияси ва ўзаро алоқасини схемаси

Ўсимликлар ҳужайраси ва тўқималарининг элементар кимёвий таркиби

• Ҳар қандай ўсимлик ёки ҳайвонлар ҳужайраси элементар кимёвий таркибига кўра бир-бирига ўхшайди, бу эса уларнинг келиб чиқиши бирлигидан далолат беради. Қуйидаги жадвалда ҳужайранинг элементар кимёвий таркиби (ҳўл модда миқдорига нисбатан фоизда) берилган:

Кислород – 65,0	Хлор – 0,10
Углерод – 18,0	Натрий – 0,03
Водород – 10,0	Магний – 0,02
Азот – 3,0	Темир – 0,01
Кальций – 2,0	Рух – 0,0003
Фосфор – 1,0	Мис – 0,0002
Олтингугурт – 0,2	Йод – 0,0001
Калий – 0,15	Фтор – 0,0001

• Ҳужайра таркибида Менделеев даврий системасидаги 105 та элементдан 60 таси борлиги аниқланган. Жадвалдан кўриниб турибдики, ҳужайранинг таркибини асосан кислород, углерод, водород ва азот ташкил қилади, ундан камроқ миқдорда фосфор, кальций бўлса, олтингугурт, калий, хлор 10 баравар кам ва натрий, магний, темир 100 баравар кам миқдорда экан, қолганлари 10000 баравар кам экан.

Оқсиллар ва бошқа азотли бирикмалар

• Оқсиллар юқори молекулар полимерлар бўлиб, улар аминокислоталарнинг бир қанча мономерлари қолдиғидан ташкил топади. Оқсиллар катта молекулаларга эга бўлиб, коллоид хоссага эга. Оқсил молекуласи n - сондаги аминокислоталардан иборат бўлиб, улар /ўзаро пептид боғлар ёрдамида боғланади. Пептид боғлар бир аминокислотанинг амин (NH2) группаси (Н+ иони) билан 2- аминокислотанинг карбоксил (СООН) группасидан (ОН- иони) сув молекуласи ҳосил қилади (-NH-CO-).
• Ҳозирги кунда 150 га яқин аминокислота мавжуд бўлиб, шулардан фақат 20 таси ва 2 та амиди (глутамин ва аспарагин) оқсиллар таркибида топилган, қолганлари эркин аминокислота ҳолида учрайди: 3 та аминокислота бирикишида дипептид ҳосил бўлса, 4-таси трипептид ва n – тадан полипептид ҳосил бўлади. Оқсиллар иккига бўлиб ўрганилади. 1. Оддий оқсиллар – фақат аминокислоталар бирикишидан ҳосил бўлади 2. Мураккаб оқсиллар эса аминокислоталардан ташқари, оқсил бўлмаган қисмга ҳам эга бўлади.