Сигналлар, уларнинг турлари ва қўлланиши Сигнал

Станцияларда сигналларнинг қўйилиши ва улардан фойдаланиш

Темир йўлларда сигналлар ҳаракат йўналиши бўйича йўлнинг ўнг томонидан қўйилади, ёки иншоотларнинг якинлашиш габаритини ҳисобга олган ҳолда йўл ўқи тепасида қўйилади. Сигналлар унинг кўринишини бошқа йўл сигнали билан чалкашмайдиган қилиб қўйилади.

Станцияга кириш сигнали келиш йўналиши бўйича биринчи стрелкали ўтказгичнинг тиғли йўналтиргичидан (айриларидан) ёки биринчи стрелкали ўтказгичнинг чегара қозиқчасидан камида 50 м олдинда қўйилади. Электрлаштирилган участкаларда кириш сигнали перегон ва станциянинг контакт тармоқларини перегон томонидан ажратувчи ҳаво оралиғи масофасидан олдин қўйилади.
Кириш сигнали станцияни ёндош перегон томонидан ажратиб чегаралайди ва поезднинг станцияга киришига рухсат беради ёки тақиқлайди.
Чиқиш сигналлари поезднинг станциядан перегон томонига жўнаб кетиши учун рухсат беради ёки тақиқлайди.
Чиқиш светофори ҳар бир йўлдан жўнайдиган поезд локомотиви тўхтаб турадиган жой олдида қўйилади. Чиқиш сигналларини қўйишнинг уч хил ҳолати бўлиб, улар тўғрисидаги маълумот тегишли адабиётларда батафсил ёритилади. Қуйидаги 11.6-расмда станцияларда кириш ва чиқиш сигналларининг қўйилиши кўрсатилган.



11.6-расм. Станция йўлларига чиқиш сигналларини қўйиш