Sifatli ilmiy maqola yozish qiyinmi? Yo’Q. Qiyin emas. Harakat qilsangiz bo’ldi

Muhokama bo’limining vazifasi nimadan iborat

Dalillar o'zini o'zi tushintirmaydi. Muhokama bo'limining maqsadi natijalarni tushintirish va Kirish qismida keltirilgan tadqiqot savollariga mualliflarning qanday javob berishlarini ko'rsatish. Ushbu muhokama odatda natijalarni umumlashtirish, ularning kutilgan yoki kutilmaganligini tahlil qilish, ushbu natijalarni oldingi ilmiy ishlar bilan taqqoslash, natijalarni interpretatsiya qilish va tushintirish (ko'pincha nazariya yoki model bilan taqqoslash orqali) va ularning umumiyligi to'g'risida faraz qilish bosqichlaridan o'tadi.

Muhokama jarayonida endi xususiylikdan umumiylikka o’tiladi

Muhokamalar bo'limi, Kirish qismiga teskari holatda ya’ni xususiylikdan (ushbu ishda olingan natijalar) umumiylikka (kengroq qamrovga olinganda bu natijalar umumiy prinsipda qanday namoyish etilishi) o'tadigan formatda keltiriladi. Tadqiqiot jarayonida aniqlangan har qanday muammo yoki kamchiliklar (ayniqsa natijalar qanday izohlanishiga ta'sir qilishi mumkin bo'lsa) muhokama qilinishi kerak.

Natijalar va Muhokama bo’limida quyidagilarga e’tiborli bo’ling

• bo’limni to’g’ri tashkil eting,
• muhokama qilinmaydigan natijalarni hech qachon taqdim etmang
• biron bir natijaga aloqasi bo'lmagan muhokamani taqdim etmang
• natijalarni xronologik tartibda emas balki mantiqiy tartibda keltiring
• xulosaga aloqador bo’lmagan natijalaringizni ham e'tiborsiz qoldirmang
• ishonchli mantiqiy dalillari bo’lmagan natijalardan xulosalarni chiqarmang

Excel dasturida tayyorlangan rasm/grafiklar barcha jurnallarda qabul qilinadimi?

Afsuski yo’q. Excel dasturida tayyorlangan grafiklar hamma jurnallarda ham qabul qilinmaydi. Anova yoki GraphPad kabi alohida dasturlarda tayyorlangan grafiklar yuqori ehtimol bilan barcha jurnallarda qabul qilinadi. Bu dasturlardan foydalanish bilan grafiklarda Excel da aks ettirish imkoni bo’lmagan ko’plab nozik jihatlarni ko’rsata olasiz.