Ўсиб келаётган ёш авлод жисмоний тарбияси ва спортда инновацион технологиялар

ЁШ КУРАШЧИЛАРНИНГ АНАЭРОБ ЧИДАМЛИЛИГИНИ УМУМИЙ ЖИСМОНИЙ 
ТАЙЁРГАРЛИК ВОСИТАСИДА ТАРБИЯЛАШ 
Арслонов Қ.П., доцент, Бухоро давлат университети, Бухоро, Ўзбекистон 
 
Республикамизда Президентимиз Ш.М. Мирзиёев раҳбарлигида жисмоний тарбия ва 
спортни, жумладан курашни янада ривожлантириш учун жуда катта кўламдаги ишларамалга 
оширилмоқда. Булардан Ўзбекистон Республикаси Президентининг “Жисмоний тарбия ва 
спорт соҳасида давлат бошқаруви тизимини тубдан такомиллаштириш чора- тадбирлари 
тўғрисида”ги ПҚ-5368-сон Қарори (2018 йил 5 март), “Жисмоний тарбия ва оммавий спортни 
янада ривожлантириш чора-тадбирлари тўғрисида”ги ПҚ-3031-сон Қарори (2017 йил 3 июнь), 
«Кураш» миллий спорт турини янада ривожлантириш чора- тадбирлари тўғрисида ПҚ-3306-
сонли Қарори (Тошкент ш., 2017 йил 2 октябрь) ва бошқа бир қанча қатор ҳукумат қарорлари 
спорт ҳаракатини ривожлантиришга кенг йўл очмоқда. Спорт турлари орасида курашнинг ўз 
ўрни бор. Ҳозирги кунда курашчиларнинг чидамлилигини ошириш учун бир қатор 
мутахассислар ўз услубиятини тавсия этишган. Лекин спортчиларни тайёрлашда анаэроб 
(кислородсиз) чидамлиликка нисбатан кам эътибор берилмоқда. Малакали курашчиларнинг 
машғулот жараёнида анаэроб чидамлилик сифатини ривожлантиришга катта эътибор қаратиш 
лозимлиги ишимизнинг долзарблигини 
белгилаб беради. 
Курашчиларнинг анаэроб чидамлилигини умумий жисмоний тайёргарлик воситасида 
тарбиялаш услубларини ўрганиш ва тадқиқ этишни ишимизнинг мақсади қилиб белгиладик. 
Курашчилар тайёргарлиги режалари ва дастурларида машғулот жараёнини ташкил 
этиш мобайнида чидамлилик юкламаларининг босқичлар ва даврлар бўйича хусусиятларини 
ўрганиш; 
Машғулот тузилмаларининг баъзи вариантларини ташкил этиш даврида машғулот 
юкламаларини самарадорлигини аниқлаш; 

---