Щзбекистон республикаси олий ва щрта махсус таълим вазирлиги

Механик усулда аралаштириш
Саноат ишлаб чиқаришларида ишлатилаётган аралаштиргичлар учга бўлинади: парракли, пропеллерли ва турбинали (11.1 - расм). Парракли аралаштиргичлар бир ва бир нечта парракдан иборат бўлади. Бир парракли аралаштиргичлар қовушқоқлиги (1Н·с/м²) кичик бўлган суюқликларни аралаштириш учун ишлатилади. Кўп парракли аралаштиргичлар қовушқоқлиги катта бўлган суюқликларни аралаштириш учун ишлатилади.




11.1- расм. Механик аралаштиргичлар турлари.
а-парракли; б - пропеллерли; в - турбинали.

Парракли аралаштиргичларни диаметри қурилма диаметрининг 0,66 ÷ 0,9 қисмини ташкил қилади. Айланишлар сони минутига 15-45 гача бўлади. Чўкма ажратувчи системаларни аралаштириш учун якорли аралаштиргичлар ишлатилади.

11.2 - расм. Парракли аралаштиргичларнинг турлари.
а) рамали; б) якорли; в) япроқсимон.

Пропеллерли аралаштиргичларнинг асосий иш органи ўққа ўрнатилган пропеллер ёки винтдан иборат. Ўқ горизонтал, вертикал ёки кия ўрнатилган бўлиши мумкин. Винтлар икки ёки уч канотли бўлади. Канотлар суюқликда худди винт каби ҳаракат қилади. Битта вал ўқига биттадан учтагача пропеллер аралаштиргичлар ўрнатилади. Пропеллерни ўраб олган суюқлик эса худди гайка

11.3 - расм. Пропеллерли аралаштиргич

каби аралаштиргичнинг ўқи йўналишида ҳаракат қилади. Пропеллер аралаштиргичлар муҳитларни яхши аралаштирганда катта тезликда айланади. Пропеллернинг диаметри қурилма диаметрини 0,25 ÷ 0,3 қисмини ташкил этади. Айланишлар сони минутига 150-1000 гача бўлади. Пропеллерли аралаштиргичларни ҳаракатчан ва қовушқоқлиги бироз катта бўлган (6 Н·с/м² ) суюқликларин аралаштириш учун ишлатилади. Пропеллерли аралаштиргичлар парракли аралаштиргичларга қараганда самарадорлиги анча юқори, лекин уларни ишлаши учун кўп энергия сарфланади.

Турбинали аралаштиргичларнинг асосий иш органи турбина ғилдираги бўлиб, у вертикал ўққа жойлаштирилган бўлади.
Ғ илдирак минутига 200 - 2000 гача айланма ҳаракат қилади. Турбина ғилдирагининг ишлаш принципи марказдан қочма кучларнинг таъсирига асосланган. Суюқлик аралаштиргичниниг марказий тешикларидан кириб, у ерда марказдан қочма кучлар таъсирида тезланиш олган ҳолда ғилдиракдан радиал йўналишда чиқиб кетади. Ғилдиракда суюқлик вертикал йўналишдан горизонтал йўналишга ўтиб, ундан катта тезлик билан чиқади. Бу аралаштиргичларни самарадорлиги жуда юқори. Турбинали аралаштиргичларнинг диаметри қурилма диаметрининг 0,17÷0,33 қисмини ташкил қилади. Бу аралаштиргичлар (1-700 Н·с/м²) суюқликларни аралаштириш учун ишлатилади.

0.