Шунингдек, сийдик тизими касалликлари келиб чиқишига қараб ирсий ёки туғма ҳамда ҳаётда орттирилган бўлиши мумкин

Асоратлари.

• Касалликнинг ўткир формаси вақтида ва тегишлича даволанмаганда сурункали кечишга ўтиб қолиши, унинг оқибатида буйракларнинг бужмайиши, иккиламчи ва сурункали буйрак етишмовчилиги каби асоратлар келиб чиқиши мумкин.

Оқибати ва Ҳамширалик ташхислари

• Вақтида даво чоралари олиб борилса хайрли.
• Иштаҳасизлик, қорин ва бел соҳасида оғриқлар, сийдик тутолмаслик, тез-тез сийишлар, қовуқ ва сийдик йўлида ачишишлардан болаларнинг қийналиши.

Қўшимча текширувлар

• Буйракларнинг рентгенологик текшируви, сийдикнинг умумий ва Аддис-Каковский, Нечипо- ренко бўйича текшируви, қон умумий таҳлили ва бошқалар.

Даволаш ва ҳамширалик парвариши.

• Пиелонефритнинг давоси комплекс тарзда олиб борилиши лозим. Бунда ҳаракат фаоллиги ва парҳезнинг аҳамияти ниҳоятда катта.
• Парҳез даволашнинг муҳим шарти, сийдикнинг равон (3-4 соатда бир марта) оқиб туриши ва ичакнинг яхши ишлаб турадиган бўлишини таъминлашдир.
• Антибиотикларни буюришда пиелонефритнинг клиникаси, жара- ённинг фаоллик даражаси ва микроб флорасининг характерини ҳисобга олиш тавсия этилади.

Профилактикаси.

• Касалликнинг профилактикасида санитар-гигиеник қоидаларга риоя қилиш, болаларни юқори нафас йўллари инфексияларидан асраш, айниқса, қиз болаларни юқори кўтарилувчи инфексиялардан эҳтиёт қилиш катта аҳамиятга эга.

Систит

• Систит — сийдик пуфаги (қовуқ) шиллиқ пардасининг ял- лиғланиши бўлиб, эмизикли ва ясли ёшидаги болаларда кўпроқ учрайдиган касалликлар қаторига киради. Чунки айнан мана шу даврда бола парваришида нуқсонлар юзага келади, болаларнинг ҳўл ўринда кўп вақт қолиб кетишлари, зах жойларда кўп ўйнаш ҳоллари ортади.

Этиологияси.

• Болалардаги систитларнинг келиб чиқишида турли гуруҳларга кирувчи микроблар — ичак таёқчалари, стафилококклар, стрептококклар, протей ёки аралаш микрофлора катта рол ўйнайди.