Shu jihatdan qaraganda, M. K

TDPU huzuridagi OTM PKQT va MO Tarmoq markazi “Pedagogik texnologiya va pedagogik mahorat” yo‘nalishi tinglovchisi Muradova Maftuna Komilovnaning “Shaxsning rivijlanishi, tarbiyasi va ijtimoiylashuvi” moduli bo‘yicha nazariy mashg‘ulotlarni tashkil etish va o‘tkazish metodikasi mavzusidagi bitiruv ishiga


TAQRIZ
Rivojlangan mamlakatlarda ta'lim barqaror taraqqiyotni ta'minlaydigan asosiy omil sifatida e’tirof etilib, xalqaro tashkilotlar hamda dunyoning aksariyat mamlakatlari tomonidan 2030 yilgacha belgilangan yangi ta’im konsepsiyasida “Ta’lim sifatini baholash jarayoni va vositalarini takomillashtirish, erishilgan natijalarni aniqlash imkonini beruvchi mexanizmlarni amaliyotga joriy etish” dolzarb vazifa etib belgilandi. Bunday dolzarb muammolarni yechish, avvalo milliy mustaqillik sharoitida ta’limi tizimi mazmunini yangilash va yangi ijtimoiy muhit sharoitida uni yanada rivojlantirish zarurligini ko‘rsatmoqda.
Ta’lim sohasida olib borilayotgan hamda aniq maqsadga yo‘naltirilgan davlat siyosati ijtimoiy jamiyat taraqqiyotini ta’minlovchi ustuvor yo‘nalishlardan biri sifatida e'tirof etildi Shaxs uzluksiz ta’lim jarayonida dunyoviy, ilmiy bilimlarni o’zlashtiradi, fan asoslarini puxta egallaydi, ishlab chiqarish sohalari bilan tanishadi, shuningdek, o’zida ijtimoiy ta’sirlar yordamida ma’naviy-axloqiy sifatlarni tarbiyalab boradi. Shaxsda o’zlashtirilgan bilim, faoliyat ko’nikmalari va hayotiy tajriba asosida kasbiy mahorat ham shakllanib boradi. Yuksak ma’naviy-axloqiy sifatlar va yuqori darajadagi kasbiy malakaga ega bo’lish uchun shaxs o’z oldiga muayyan maqsadni qo’ya olishi hamda unga erishish yo’lida tinimsiz izlanishi, o’qib-o’rganishi lozim. Shundagina u ijtimoiy raqobatga chidamli, malakali kadr bo’lib shakllanadi. Shu bois shaxs ta’limi va tarbiyasi pedagogikaning muhim yo‘nalishi sifatida o‘rganiladi.
Shu jihatdan qaraganda, M.K.Muradovaning “Shaxsning rivijlanishi, tarbiyasi va ijtimoiylashuvi” moduli bo‘yicha mashg‘ulotlarni tashkil etish va o‘tkazish metodikasi mavzusidagi bitiruv ishi dolzarb bo‘lib, bitiruv ishining maqsadi “Shaxsning rivijlanishi, tarbiyasi va ijtimoiylashuvi” modulini o‘qitishda ta’lim texnologiyalaridan samarali foydalanish yo‘llarini aniqlashdan iborat. Ishning birinchi bobida ta’lim texnologiyalarining pedagogik imkoniyatlari hamda “Shaxsning rivijlanishi, tarbiyasi va ijtimoiylashuvi” modulini o‘qitishda interfaol metodlardan foydalanish masalalari yuzasidan so‘z yuritilgan. Ishning ikkinchi bobida “Shaxsning rivijlanishi, tarbiyasi va ijtimoiylashuvi” modulini o‘qitishga doir nazariy mashg‘ulot uchun ma’ruza matni, amaliy mashg‘ulot ishlanmasi, keyslar, darajali testlar, glossariy, taqdimot, xulosa va foydalanilgan adabiyotlar ro‘yxati berilgan.
Xulosa shuki, bitiruv ishining asosiy g‘oyasi, mazmuni, tarkibiy tuzilishi va natijalari uni himoyaga tavsiya etish maqsadga muvofiqligini bildiradi.