|
Олий ва ўрта махсус таълим вазирлиги ва олий таълим муассасалари сайтлари
– Олий таълим соҳасига оид меъёрий ҳужжатлар ва маълумотлар, Олий таълим муассасалари ва уларнинг фаолияти ҳақида маълумотлар
Ziyonet ахборот таълим тармоғи портали
– Таълим соҳасидаги ягона ахборот манбаи
– Маънавий салоҳиятни ўстириш ва баркамол авлод тарбиясида замонавий ахборот-коммуникация технологияларидан тўғри фойдаланишни ташкил этиш
– Интернет ресурсларидан оқилона фойдаланиш ҳамда компьютер ўйинлари ва Интернет–кафе фаолиятини тартибга солиш
– Ахборот – коммуникация ва Интернет технологиялари ютуқларидан оқилона ва мақсадли фойдаланиш.
– Ахборот – коммуникация технологияларидан ва ахборотлардан фойдаланиш маданиятини ва муҳитини шакллантириш.
– Интернет тармоғида ёшларга, уларнинг қизиқишларига ва интилишларига, ахборот эхтиёжларига ҳамда ютуқларига йўналтирилган электрон манбаларни ташкил этиш.
– Ёшларни турли хил ахборот хуружларидан ҳимоя қилиш.
Маънавий-маърифий тадбирларни ташкиллаштириш соҳасига замонавий ахборот-коммуникация технологияларини жорий этиш бўйича услубий тавсиялар:
Миллий ва маънавий қадриятларимизга хос қатор ижтимоий тармоқлар яратилиб, фойдаланувчиларга тақдим этилган. Булар қаторига muloqot.uz, sinfdosh.uz, fikr.uz, doira.uz, vsetut.uz каби сайтлар яқин келажакда хориж ижтимоий тармоқлари билан бемалол рақобатлаша оладиган даражага етиши керак. Хусусан, muloqot.uz ижтимоий тармоғини ёшларимиз маънавиятини бойитиш, уларнинг ўзаро мулоқот қилиши ва вақтини фойдали ўтказиши учун замонавий тармоқ макони дейиш мумкин. Умумий сони ўн минглаб кишини ташкил қиладиган muloqot.uz фойдаланувчилари орасида иқтидорли ёшлар ҳам кўп. Ижод билан машғул йигит-қизлар ўз профилига суратлар, аудио ва видеоформатдаги кичик мусиқа материалларини жойлаштирмоқда.
Бу ерда тарих, география, юриспруденция, жамиятшунослик, лингвистика, техника янгиликлари, замонавий технологиялар каби ва бошқа кўплаб соҳалар бўйича фикрлар билан ўртоқлашиш, уларни қизғин муҳокама қилиш имкони мавжуд. Ижтимоий тармоқда рўйхатга олишда фойдаланувчиларга оид шартнома сайт маъмурларининг фақат фойдаланувчининг хулқи маънавий-ахлоқий ва ҳуқуқий нормаларга зид бўлган тақдирдагина аралашиши мумкинлигини кўзда тутади. Юқорида қайд этилган тармоқларнинг мамлакатимиз ёшлари ва талабалри ўртасида оммовийлигини ошириш ва улардан кенг фойдаланишини амалга ошириш керак.
Талабаларнинг ғоялари, ишланмалари, чиқишлари, муҳокама гуруҳлари томонидан амалга оширилган ишларини кенг жамоага тақдим этувчи ижтимоий тармоқ дастурини яратиш.
Бугунги кунда мавжуд бўлган энг катта муаммолардан бири Интернет тармоғи орқали кириб келаётган, ёшлар маънавий, аҳлоқий дунёқарашига катта таъсир кўртасувчи ахборот оқимларидир. Ушбу маълумотларга қарама-қарши куч сифатида намоён бўлувчи миллий қадриятлар, анъаналар ва тарихимизни тарғиб этувчи сайтларни яратиш ва уларни ёшлар ўртасида тарғиб этиш. Шу орқали “Миллий бренд” яратиш жараёнини ишлаб чиқиш.
Бугунги кунда ёшлар асосан глобал ахборот-коммуникация тармоғидан фойдаланганликларини инобатга олсак, аксарият чет эл сайтларида келтирилган маълумотлар статистик кўринишда, эскирган ахборотларга асосланган, мамлакатнинг сиёсий, иқтисодий, ижтимоий аҳволни бир томонлама ё салбий нуқтаи назардан ёритувчи сайтлари эканлигини, давлатимиз ҳаётининг барча жабҳаларини қамраб олалмасли намоён бўлмоқда. Юқоридагилани инобатга олган ҳолда мамлакат имиджини шакиллантиришга қаратилган сайтлар, дастурлар, ижтимоий тармоқ дастурларини яратиш.Бу эса ёшлар ва талабаларда ватанга бўлган муҳаббат ва миллатга бўлган ғурурни ортирибгина қолмай, уларининг ташқи салбий таъсирлардан ҳимояланишига замин яратади.
Ахборот-коммуникация технологиялари ёрдамида мамлакатимизда олиб борилаётган сиёсий, иқтисодий модернизация жараёнлари, натижаларини тарғиб этиш. Бу борада ҳар бир олий таълим муассаси веб -сайтларининг ўз вақтида янгиланиб боришига алоҳида эътибор қаратилиши лозим.
Ахборот-коммуникация технологиялар ёрдамида мақсадли доираларда ижобий таъсир кўрсатувчи маълумот ва ахборотларни тарқатиш ва улардан фойдаланиш йўлларни ишлаб чиқиш. Терроризм, экстремизм ва уюшган жиноятчилик ҳамда бошқа иллатларни олдини олишга қаратилган тадбирларни АКТ кенг фойдаланган ҳолда катта аудиторияни қамраб олишга эришиш. Бунда учрашувлар ва тадбирларнинг видео ва аудиоёзувлари базасини яратиб, талабалар фойдаланиши учун уларга имкон бериш.
Бугунги кун баркамол авлод ёшларини тарбиялашда ахборот-коммуникация технологиялари ўрганиш етакчи ўринни эгаллайди. Яъни, бугунги куннинг замонавий малакали мутахассиси бўлиши учун ёшларнинг замонавий билимлардан орқада қолмаслиги кераклигини уларнинг онгига сингдириш керак бўлади.
Жамият ахборотлашуви каби глобал жараёнлар, жамиятга ахборот коммуникатив технологияларини жорий этиш ва копьютерлаштириш билан бир қаторда, ахборот хавфсизлиги муаммоларини намоён қилди ва янги кўринишдаги таҳдид – киберэкстремизмни келтириб чиқарда. Киберэкстремизмни олдини олиш, профилактика ишларини олиб бориш жараёнида энг муҳим омиллардан бири бу - бугунги кун ёшларининг шахсий ва ҳаётий босқичларидаги ижтимоий-иқтисодий ва ёшига бўлган ўзига хос элементларни инобатга олиш ва уларни тушуниш хисобланиди, чунончи, мутахассисларнинг таҳлилига кўра, айнан 14 ёшдан 22 ёшгача бўлган ёшларнинг экстремистик фаолиятга киришиши хавфи каттадир.
Ахборот маданияти контекстида киберэкстремизм профилактикаси қуйидаги чора-тадбирларни назарда тутади:
интернет-контентни филтрлаш ва хавфли бўлиши мумкун бўлган ресурсларга кириш имконини шахсийлаштириш.
киберэкстремизм профилактикаси – комплекс кўринишга эга бўлган муаммолардан бири бўлиб, уни хал этиш учун хуқуқий, психологик-педагогик, АКТ-воситаларидан иборат комплекс чора-тадбирларни амалга ошриш.
Юқоридагиларни инобатга олган ҳолдагина умумдавлат миқиёсидаги натижага эришиш мумкин ва шу билан бирга, ахоли турмуш даражасини кўтариш, ахлоқий-маънавий қадриятлар ва анъаналарни ёшлар ўртасида тарғиб этиш, экстремистик кўринишга эга бўлган ахборотларни кузатиб бориш ва уларни бартараф этиш, ёшларга ушбу муаммолар хақида маълумотни етказиш ва уларга қарши туришга ўргатиш доимий эътибор талаб этади.
Do'stlaringiz bilan baham: |
