Шошилинч педиатрия экстремал тиббиёт асослари билан

БОЛАЛАРДА ХУЛҚ АТВОР ШОШИЛИНЧ ҲОЛАТЛАРИ 
 
Тез тиббий ѐрдам амалиѐтида беморнинг хулқ атворини бузилиши кўп учрайдиган 
ҳолатдир. Бироқ унинг сабаби руҳий касаллик бўлмасдан, соматик ва травматик ҳолат
билан боғлиқ бўлиши мумкин. Шунинг учун хулк атворнинг бузилиши шошилинч ѐрдам 
кўрсатишда устун жиҳат бўлиб хизмат қила олмайди. Аммо баъзи ҳолатларда хулқ атвор 
бузилиши тиббиѐт ходимига, бемор яқинларига, гувоҳларга ва бемор ўзига зарар 
етказиши, умумий ҳолатни баҳолашга ҳалақит бериши мумкин. Тез ѐрдам кўрсатиш 
таркибида шу сабаб махсус бригада фаолият олиб боради ва уларни навбатдаги чақирувга 
чиққан тиббий ходим зарурат бўлса, ѐрдамга чақиради. Уларнинг асосий вазифаси 
беморни руҳий касалликлар шифохонасига госпитализация қилиш кўрсатмасини аниқлаш,
беморни фиксация қилиш, нейролептиклар қўллаш ва транспортировкани амалга 
оширишдан иборат. 
Демак тиббий тез ѐрдам ходими олдида хулқ атвор бузилишига шубҳа бўлганда 
қуйидаги учта савол туради: 
1. Ўзининг, ўз командасининг, атрофдагиларнинг ва беморнинг хафсизлигини 
таъминлаш
 
2. Махсус стационарга жойлаштиришга кўрсатмани аниқлаш.
 
3. Беморни махсус боғичлар ѐрдамида фиксация қилишга кўрсатмаларни аниқлаш
 
Хулқ атвор шошилинч ҳолатлари
шундай ҳолатки бунда хулқ атвор ўта ғалати,
ғайри- оддий ва атрофдагилар учун хавфли бўлиб ўзгаради ва қуйидаги белгилар билан 
характерланади: 
• 
Беморни ва атрофдагиларни безовта қилади 
• Тиббий тез ѐрдам ѐки психиатрик хизмат аралашувини талаб қилади.
• Ҳаѐт учун муҳим аъзолар фаолиятига салбий таъсир кўрсатади 
• Бемор ва атрофдагилар учун хавфни туғдиради 
• Ижтимоий меъѐрдан тубдан фарқ қилади 
Қуйидаги ҳолатларни инкор қилмасдан туриб, руҳий касалликни тасдиқлаб бўлмайди
: 
• 
Гипогликемия 
• 
Гипоксия 
• 
Ноадекват мия перфузияси 

---

265 
• 
Бош мия жароҳати 
• 
Наркотик ва алкоголь 
• 
Ўта қизиб кетиш ва совиб кетиш 
• Марказий асаб тизими инфекцияси