Шошилинч педиатрия экстремал тиббиёт асослари билан

Инспиратор стридор
- бу ҳолат овоз бойлам усти соҳаси ѐки овоз бойлами соҳасида 
шикастланиш бўлса, юзага келади.
Экспиратор стридор- 
чин овоз бойламлари соҳасидан пастда шикастланиш бўлса, юзага 
келади. 
 
Эпиглоттит
— бу ютқин усти соҳасининг ўткир бактериал яллиғланиши бўлиб нафас 
йўлларининг тўлиқ обструкциясига олиб келиши мумкин.
Этиология.
 
95% ҳолатларда эпиглоттит Haemophilus influenzae B типи томонидан 
чақирилади. Аммо кейинги пайтларда бу қўзғатувчига нисбатан самарали вакцинанинг 
пайдо булиши эпиглоттит сонини кескин қисқаришига олиб келди. Баъзида касалликни A
гурух стрептококклар, пневмококклар, Corynebacterium diphtheriae, Mycobacterium 
tuberculosis чакириши мумкин.
Эпидемиология 

Болалар > 4 ѐш 

Асосан 4 – 7 ѐш 

В типли Haemophilus influenzae вакцинаси туфайли касаллик кескин камайди. 
Текшириш ва диагностика
Ўз пайтида тез ташхис қўйиш ва нафас йўллари ўтказувчанлигини таъминлаш орқали ўлим 
ҳолатини олдини олиш мумкин.
Респиратор дистресс + томоқда оғриқ + сўлак оқиши = Эпиглоттит 
 
Нафас қийинлашуви ўткир бошланиб тез кучайиб боради, кўп сўлак оқиши, ютишга 
қийналиш, юқори ҳарорат, стридор кузатилади. Пастки жағ олдинга тортилган, бўйин 
таранглашган. Бола олдинга энгашган ҳолда ўтиради. 

---

23 
Эпиглоттит кўпинча 3—6 ѐшда юзага келади. Баъзан 2 ѐшгача болалар касалланиши 
мумкин. Уларда касалликни ўткир ларинготрахеобронхит билан адаштириш мумкин.
Баъзи даволаш муассасаларида диагноз қабул бўлимида ларингоскоп ѐки 
фибробронхоскоп орқали ютқинни кўриш билан қўйилади. Кўрувни малакали мутахасис 
ўтказиши лозим. Бироқ нафас йўллари ўтказувчанлигини қайта тикламасдан кўрувни 
амалга ошириш қаттиян ман этилади. Болани безовта бўлишига олиб келувчи ҳар қандай 
муолажа нафас йўллари тўлиқ обструкциясига олиб келиши мумкин.
Клиник кўринишга асосланиб дастлабки ташхис қўйилади. Ларингоскопияда ютқин 
усти соҳаси катталашган, тўқ қизил тусда бўлади. Агар боланинг ҳолати тақазо этса бўйин 
ѐн томонлама рентгенография қилинади. Рентгенография пайтида шошилинч трахея 
интубацияси ва трахеястомага тайѐр туриш лозим. Текширув пайтида боланинг боши 
силжимаслиги лозим. Кичик силжиш ҳам ютқин усти соясини ѐпиб қўйиши мумкин. 
Қонда лейкоцитлар ошган ва чапга силжиган. 
1/3 беморлар ҳушсиз ѐки шок ҳолатида шифохонага тушади.