Шөлкемлестириў илажлары

§6. Жол менен кесискен ҳәм жолға жақын бөлимлердеги
жумыслар.
371. Ҳаўа линияның транспорт магистраллары (темир жоллар, кеме қатнаўшы дәрьялар ҳәм каналлар) менен кесискен бөлимлеринде жумыс алып барыў ушын ўақтынша транспорт ҳәрекетин тоқтатыў ямаса транспорт ҳәрекети себепли ҳаўа линияларындағы алып барылып атырган жумысты тоқтатып турыў талап етилсе, наряд бериўши хызметкер жумыс орнына транспорт магистраллары ҳәрекети хызмети ўәкилин шақырыўы керек.
Бул ўәкил керекли (зәрүр) мүддетке транспорт ҳәрекетлерин тоқтатып турыўын тәмийинлеўи ямаса тармақта ислеп атырған бригаданы жақынласып атырған транспорт туўрысында ескертиўи шәрт. Транспортларды өткизип жибериў ушын тосқынлық беретуғын сымлар қәўипсиз бийикликке көтерилип қойылыўы зәрүр.
372. Ҳаўа линиялары тийкарғы ҳәм аўыллар ара жоллар менен кесискен ямаса тиккелей жақынласқан жерлеринде жумыс алып барылса транспорт айдаўшыларын ескертиў ямаса транспорт ҳәрекетин тоқтатыў ушын Мәмлекетлик автомобиль қадағалаўы менен келисилген ҳалда жумыс алып барыўшы тийкарғы ҳәм басқа жолларға сигнал бериўши-лерди қойыўы шарт. Зәрүрият туўылған жағдайда Мәмлекетлик автомобиль қадағалаўы ўәкилин шақырыўы зәрүр.
Сигнал бериўшилер ҳаўа линия менен жолдың кесискен ямаса жақынласқан жеринен ҳәр еки тәрепке 100 метр узақлықта турыўлары ҳәм оларда күндиз қызыл байрақшалар, кеште болса қызыл фонар болыўы керек.
§7. Көшени жақтыландырыў тармақларына хызмет көрсетиў.
373. Бийлик пенен көшени жақтыландырыў тармақларын өширместен төмендеги жағдай-ларда ислеўине руҳсат бериледи:
жақтыртқышлар сымлардан пәсте орнатылған қайта жерге жалғағыш сымы менен үскенеленген ағаш бағаналарда ямаса ағаш зәнги қойып ислеген жағдайларда;
изоляциялаўшы звеносы болған телескопик вышкалардан пайдаланғанда.
Басқа ҳәмме шәраятларда жумыслар наряд пенен орынланып, бағанадағы барлық сым-лардан кернеўлик алыныўы ҳәм жерге жалғағыш орнатылыўы керек.
374. Газоразрядлы лампаларды иске түсириў-регулировкалаў аппаратларында жумыс алып барыў ушын усы аппаратларды улыўма тармақтан өшириўден алдын лампаның улыўма тармаққа жалғанған сымы босатып алыныўы ҳәм статистик конденсаторлар электр-сизлендирилиўи керек (электрсизлендириў резисторлары болыўынан қаттий нәзер).