Шөлкемлестириў илажлары

§6. Жумыс орнын таярлаў ҳәм иске қосыў.
75. Жумыс орнын таярлаў бойынша нарядта көзде тутылған илажларды өзгертиў қадаған етиледи.
Жумыс орнын таярлаў бойынша илажлардың жетерлигине ҳəм дурыслығына ҳəм жумысты 
орындаўда қəўип мүмкинлигин бериўши гудок пайда болғанда, жумыс орнын таярлаў 
тоқтатылады.
76. Жумыс алып барыўшыға иске қосыўшы миннети бириктирилгенде, жумыс алып барыўшы 
жумыс орнын III-топарға ийе бригада ағзасы менен таярлайды.
77. Иске қосыўшы иске қосыўдан алдын жумыс орнын таярлаў бойынша техникалық 
илажлардыдың орынланыўына исениўи тийис. Өзиниң жеке көриўи, тез-ара журнал 
жазыўлары бойынша, тез-ара схема бойынша, тутыныўшы исшиси, тез-ара оңлаў исшиси, 
нəўбетшиниң хабарлаўы бойынша исеним қабыл етеди.
78. Жумыс басшысы ҳəм жумыс алып барыўшы (бақлаўшы) иске қосыўдан алдын, иске 
қосыўшыдан жумыс орнын таярлаўда қандай илажлар қабыл етилгенин анықлайды ҳəм 
таярлықты жумыс орны аралығында көзден өткереди. 
Иске қосыўдан алдын таярланған жумыс орнын жумыс басшысы иске қосыўшы менен өз 
бетинше тексереди. Жумыс алып барыўшы жумыс басшысы ямаса иске қосыўшы менен 
биргеликте тексереди.
79. Наряд яки бийлик бойынша иске қосыў тиккелей жумыс орнында өткериледи.
Бийлик бойынша жумысқа иске қосыўда жумыс орнын таярлаўдың кереги жоқ жағдайда, иске 
қосыў жумыс орнында шəрт емес, ал ҳаўа линиясында, ҳаўа байланыс линиясында ҳəм кабель 
линияларында талап етилмейди.
80. Иске қосыў жумыс орнын таярлаўды тексергеннен соң əмелге асырылады. Сонлықтан ис- 
ке қосыўшы:
Наряд ямаса бийликте көрсетилген бригада қурамының маслығын, аты жазылған гуўақнамасы 
арқалы тексериледи.
Көрсетпе өткереди: бригаданы нарядтың, бийликтиң мазмуны менен таныстырылады, жумыс 
орнының шегераларын көрсетеди, жумыс орнына жақын жердеги үскене ҳəм қоңсы 
жалғамдағы оңланып атырған ток өткизиўши бөлекшелерди, кернеўлик барма яки жоқпа, 
оларға жақынласып болмайтуғынлығын көрсетеди.
Бригадаға кернеўлик жоқлығын, қойылған жерге жалғағышлар ямаса кернеўлик жоқлы-
ғын тексериў менен дəлиллейди, егерде жумыс орнынан жерге жалғағыш көринбей-туғын 
болса, 35 кВ электр үскенелеринде ҳəм оннан киши кернеўликтеги электр үскенелеринде 
(конструктив ислениўи мүмкин емес) ток өткериўши бөлекшелерде қолын тийгизип 
дəлиллейди. 
81. Бригаданы иске қосыўшыдан басқа иске қосыўдан алдын жумыс алып барыўшы көрсетпе 
өтеди. Ол жумысты қəўипсиз алып барыў илажлары бойынша, əсбап, масламалар, жүк көтериў 
машина ҳəм механизмлерди пайдаланыў ҳəм олардың технологиясы бойынша көрсетпе 
береди. Жумыс басшысы керекли жағдайларда көрсетпени тоқтатады.
Көрсетпе өткермей бригаданы иске қосыў қадаған етиледи.
82. Көрсетпе өткериў ҳəм иске қосыў, иске қосыўшы ҳəм жумыс алып барыўшының қолы менен 
сəне ҳəм ўақыт көрсетилип нарядтың №3 кестесине рəсмийлестириледи. Иске қосыўда 
өткерилген көрсетпе өткериў журналына рəсмийлестирилиўи талап етиледи. 
83. Иске қосыў нарядтың еки нусқасына да рəсмийлестириледи, оның биреўи жумыс алып 
барыўшыға қалдырылады, ал екиншиси нəўбетши ямаса тез-ара оңлаў исшиси болған иске 
қосыўшыда болады.
Егерде жумыс алып барыўшы иске қосыўшы ўазыйпасына бириктирген болса, иске қосыў 
нарядтың бир нусқасына рəсмийлестириледи.
Бийлик бойынша жумысқа иске қосыў тез ара журналға ямаса наряд ҳəм бийликлерди есапқа 
алыў журналында рəсмийлестириледи.