Shodlik” nomli 526-bog`cha maktab majmuasi

Toshkent shahar Chilonzor tumani

XTMFMT va TEB ga qarashli

“SHODLIK” nomli

526-bog`cha maktab majmuasi



Guruh: Tayyorlov
Tarbiyachi: Ergasheva M.
Toshkent.
Mustaqillik bayram ertaligi.
Zal bayramona bezatilgan. Bolalar musiqa sadolari ostida kirib kelishadi.
1-boshlovchi:

O`zbek eliga odat

Salom bermoq va hurmat

Shuning uchun biz sizga

Deymiz salom assalom.
2-boshlovchi:

Assalomu alaykum, aziz mehmonlar va ustozlar, men sizlarni mustaqilligimizning 20 yillik to`y bayrami bilan tabriklayman. Mana mustaqil bo`lganimizdan buyon o`z bayrog`imizga, o`z madhiyamizga, tilimizga, pulimizga va Prezidentimizga ega bo`ldik.

Madhiya yangraydi, hamma qo`li ko`ksida madhiyani kuylaydi.
Sahnaga bir bola bayroq ko`tarib kiradi.
O`zbekiston Respublikasi mustaqillikni e`lon qilgan kundan ko`p o`tmay Respublikamizning Davlat bayrog`i tasdiqlandi. Bu shonli voqea 1991 yil 18 noyabrda 12-chaqiriq O`zbekiston Respublikasi Oliy Kengashining navbatdan tashqari 7 sessiyasida bo`lib o`tdi.
Davlat gerbi:

O`zbekiston Respublikasi ham o`z Davlat gerbiga ega bo`lib, gerb 1992 yil 2 iyulda 12 chaqiriq O`zbekiston Respublikasi Oliy Kengashining 10 sessiyasida tasdiqlangan.

Milliy valyutamiz:

O`zbekiston Respublikasining Prezidenti Islom Karimovning 1994 yil 16 iyundagi O`zbekiston Respublikasining milliy valyutasini muomalaga kiritish to`g`risidagi farmoni bilan O`zbekiston Respublikasida o`z milliy valyutamiz, ya`ni so`m 1994 yil 1 iyuldan muomalaga kiritildi.

Raqs: “Vatanim”
Bu dunyoda chamanlar ko`p

Bu dunyoda Vatanlar ko`p

Barchasida yashnar gullar

Barchasida yayrar dillar

Chorlar ezgu yo`llar meni

Ajdodlarim qo`llar meni

Bu Vatanda to`kmasman yosh

Bu Vatanda egmasman bosh.

Vatan ona biz unga farzand

Bir chinorning barglari monand

Dildan dilga yo`l olur qo`shiq

Ko`ngillarni etgaydir payvand.

Raqs: “Juftlik”

Qo`shiqlarda Vatan ma`nosi

Qo`shiqlarda xalqim sadosi

Vatan kuyin yangratsa dillar

Yangrar yurtning yeru samosi
Vatan oltin belanchagimiz

Biz Vatanning kelajagimiz

Vatan agar buyuk bog` bo`lsa

Bizlar uning kelajagimiz.

O`zbekiston Vatanim onam

Nur taralar gul bog`laringdan

Oltin beshik aziz ostonam

Baxtim topdim gul bog`laringdan.

Eshik taqillab musiqa ostida Jumavoy kirib keladi.
Bola: Iye, sen kim bo`lding?

Jumavoy: Men, men Jumavoy (yerga yotib oladi)

Bola: Iye, sen bizdan qo`rqmagin, o`rningdan tur, oting nima?

Jumavoy: Men adashib qoldim.

Qiz: Ha, esimga tushding, sen Jumavoymisan? Kino qaharmoni

Bola: Sen-chi, Jumavoy adashibman deb xafa bo`lma, biz bolalarimiz bilan Mustaqillik bayramini nishonlaymiz.

Jumavoy: Mustaqillik nima u?

Bola: Mustaqillik o`z erking qo`lingda degani.

Jumavoy: Bu juda yaxshi-ku.

Bola: Kel bayramimizni tomosha qil, dam olasan.

Raqs: (o`g`il bolalar ijrosida)

Vatanjonim, Vatanim

Ko`zim quvnab ko`rganim

Istiqloldan kulganim

O`zbekiston gulshanim
Bahra olib bag`ringdan

Ulg`ayaman mehringdan

Vatanjonim, Vatanim

O`zbekiston gulshanim

Istiqlolning qaldirg`ochimiz

Iqbolimiz tongday kulajak

Xalq mehridan qudrat kuchimiz

Bizniki bu nurli kelajak.

Qo`shiq: “O`zbekiston”

Bu dunyoda chamanlar ko`p

Bu dunyoda Vatanlar ko`p

Barchasida yashnar gullar

Barchasida yayrar dillar
Mening uchun aziz bo`ston

O`zbekiston, O`zbekiston

Chorlar ezgu yo`llar meni

Ajdodlarim qo`llar meni

Bu Vatanda to`kmasman yosh

Bu Vatanda egmasman bosh.

Qalbidek pok osmoni

Baxtdir iymon vijdoni

Fe`li kengdir shu sabab

To`kinder dasturxoni

Mustaqillik bolalarimiz

Boshimizni silaydi o`lkam

Dil g`unchasi lolalarimiz

Go`zallikdan yashnaydi olam

O`zbekiston ona yurt

Dunyoda durdona yurt

Xalqi tanti mehnatkash

Do`stlikda yagona yurt.

“O`zbekiston Vatanim” klipi bilan bayram yakunlanadi.
Boshlovchi: Shu bilan bayramimiz o`z nihoyasiga yetdi, xayr sog` bo`linglar.
Toshkent shahar Chilonzor tumani

XTMFMT va TEB ga qarashli

“SHODLIK” nomli

526-bog`cha maktab majmuasi



Guruh: Tayyorlov
Tarbiyachi: Ergasheva M.

Toshkent.

Mehrjon bayrami.
Zal bayramona bezatilgan. Tarbiyachi bolalarni zalning eshigi oldiga bir qator qilib olib keladi.
Boshlovchilar:

Aziz mehmonlar va qadrli bolajonlar sizlarni mehrjon hosil bayrami bilan tabriklaymiz.

Mehrjonning bayramlar orasida alohida o`rni bor, yurtimizda noz-ne`matlar mo`l-ko`lligida ayni pishiqchilik pallasida bayram qilinadi.

Salom senga mehrjon Bizga dursan qadrdon Xush kelding bog`chamizga Barchamiz quvnoq shodon Quyosh mehribon bo`lsin Omborlar donga to`lsin Dehqonning baxti kulsin Hosil bayram muborak.

Xush kelibsiz mehmonlar Davramizga marhabo Keldi mehrjon bayram Shodlik bo`lsin doimo El tashvishin tashlasin Har kun palov oshasin Dehqon bobom yashasin Hosil bayram muborak.

Qutlaymiz sizlarni

Bu bayram bilan

Serquyosh o`lkamiz

Zar fasli bilan.

Boshlovchi:

Keling bolajonlar mehmonlarimizga qo`shiq kuylab beramiz.

Qo`shiq: “Kuz”
Boshlovchi:

Barglar sarg`ayadi, havolar soviydi, yomg`ir yog`a boshlaydi, bu o`zgarish qaysi faslda bo`ladi?

Bolalarning javobi: Kuz faslida.
Boshlovchi:

Juda to`g`ri topdingiz bolajonlar.

Sarg`ayadi ko`katlar Barg to`kadi daraxtlar Hosil terib olinar Qishga zamin solinar.

G`ir-g`ir shamol esadi Buni hamma biladi O`giradi elga yuz Marhamat kel oltin kuz.

Boshlovchi:

Qushlar brogan sari qisqaradi. Dehqonbobolarimiz yerga ekkan sabzavotlarini, bog`bonlarimiz esa meva-chevalarni yig`ib-terib oladilar, so`ngra hosil bayrami nishonlashadi.
Shu payt eshikdan Kuz kirib keladi.
Kuz: Assalomu alaykum hurmatli mehmonlar. Salom aziz, shirin kichkintoylar.
Tarbiyachi: Salom Kuz davramizga xush kelibsan.
Salom senga oltin kuz

Seni xushlab kutdik biz

Sen juda yaxshi kelding

Sovg`aga nima keltirding.

Kuz: Bolajonlar sizlarga-chi kuzning noz-ne`matlaridan olib keldim.
Tarbiyachi: Rahmat senga Kuz. Bizga kuzning noz-ne`matlaridan olib kelganing uchun marhamat davramizda ishtirok et.
Boshlovchi: O`g`il bolalar ijrosida raqs tomosha qilamiz.

Sen olma va asalni Olib keldingmi ham donni Sabzi piyoz karamni Qovun tarvuz uzumni.

Oldik ko`p hosil O`rik, olma, nok Shakardek asal Uzum qildi tok.

Bizning polizda

Qovun-tarvuz ko`p

Yetildi kuzda

So`yib yedik xo`p.

Kuz: Raxmat sizga bolajonlar Kuz faslini juda sevar ekansizlar.

Meni derlar oltin kuz

Xirmonda hosil to`kin

Tayyorlanar barcha xalq

Katta bayramga bu kun.
Boshlovchilar:

Bolalar bog`larimizda, polizlarimizda hosilimiz juda mo`l.

Bugungi davramizga-chi sabzavotlar tashrif buyurishibdi, marhamat sabzavotlar.

1-bola To`sto`polon bozorda Yoki biron guzarda Uchrab qolgan onimda O`tib ketma yonimdan Ko`rganmisan kinoni Mag`rur chippolinani O`sh yerda men ham bor Nomim sinyora pomidor.	2-bola Uy ro`zg`orda tengim yo`q Sabzi tansiq beg`ubor Shu palovni palov qilgan Vitamin ham desangiz Arzigudek qarsillatib Non o`rniga yesangiz.
3-bola Yerga chuqur botsam men Bekinvolib yotsam men Izlab topdi oshpazlar Meni chopdi oshpazlar Yig`lamadim chaqqonman Lekin juda hayronman Oshpazlarning o`zlari Nega yoshlar ko`zlarin.	4-bola Popuk bargli bosim bor Vazmingina toshim bor Dumi uzun rediska Menga kenjatoy uka Yoshda pichi shoshar u Bahordayoq pishar u Men shoshmayman beg`amman Shuning uchun sholg`omman.
5-bola Ekilganman kech kuzda Bahor ham keldi tezda Quyosh shamdek miltirar Boychechaklar dirdirar Menga sovuq qilmas kor Qavat-qavat to`nim bor Faqat to`nni men qari Kiyib olibman teskari.	6-bola Bizni hamma sevadi Karam sho`rva qiladi.

Sabzavotlar raqsga tushadilar.

Boshlovchi:

Bizning polizimizda

Hosilimiz juda ko`p

Ammo har kim kirolmas

Qorovuldan o`tolmas

U tartibni sevadi

Har qatorni biladi.

Shu payt eshikdan Vali qorovul ketmon ko`tarib, qo`lini peshonasiga qo`yib uzoqqa tikiladi va poliz tomon kelib ekinlarning tagini yumshatadi.
Vali:

Juda qiyin mening ishim

Og`riyapti boshim, belim

Endi ozroq dam olay

Mana bu yerda yota qolay.
Boshlovchi:

Hozir Vali banddir juda

Ishlaydi u tunu kunda

Uxlab qoldi charchab juda.

Shu payt Xo`roz paydo bo`ladi va sholg`omning yoniga keladi.
Mana men Xo`rozjon Xo`roz

Qu-qu-qu

Qorovul yaxshi polizda

Ovqat bo`lsa yonimda.

Xo`roz sholg`omni olib ketadi, so`ngra G`oz kirib keladi.
Mana men G`ozvoy-g`ozvoy

Hech kim yo`qmi hoy-hoy

Qnday yaxshi polizda

Ovqat bo`lsa yonimda.

G`oz pomidorni olib ketadi, so`ngra Echki kirib keladi.
Mana men Echkijon, Echki

Me-me-me

Qanday yaxshi polizda

Ovqat bo`lsa yonimda.

Echi sabzi, piyozni olib ketadi. Shu payt sakrab, sakrab Quyonchalar kirib keladi.
Kelib qoldi omadim

Polizga tushib qoldim

Keling shalpangquloqlar

Sabzi karam yeb qoling.

Shu payt ikkinchi quyon kirib keladi.
O`rtoqjon qaragin polizda katta-katta sersuv karamlar o`sib yotibdi, kel mazza qilib yeymiz.

Ular Karamlar bilan raqsga tushadilar. Shu payt Vali qorovul uyg`onib qoladi.

Vali: Ha, endi qo`lga tushdilaringmi? Endi mendan qochib qutula olmaysizlar.

Valining jahli chiqib to`nkaga o`tirib oladi.

Vali: Qani karam, qani sabzilar? Piyozlar yo`q, ko`katlar qani? Sho`rim quridi. Shu payt Xo`roz kirib keladi.

-Qu-qu-qu. Xafa bo`lma azim Vali. Sen xushyor bo`la olmading. O`z ishingga yengil qarading. Endi bunday qilmagin. Biz sening oldingga bayramni birga o`tkazgali keldik.

Echki:

Ammo sen bilib qo`ygin

Bunday uxlab qolmagin

Qo`riqlashmi istagin

Postingda xushyor turgin.
Vali: Ko`p rahmat, unutmayman. Endi sizlar bilan o`ynayman.
Boshlovchi: Voy, qanday yaxshi bo`ldi kelganlaringiz. Biz bolalar bilan Mehrjon bayramini nishonlayotgan edik. Marhamat, mehmonimiz bo`ling.
Marhamat endi navbat “Bozor” raqsiga.
O`lkamning husni

Ochil paxtajon

Sendan baxtimiz

Kular har qachon.

Qanday mehnat biz qildik

Hosilimiz biz yig`dik

Bog`laringda mevalar

Polizlarda qovunlar.

Vatanimning boyligisan

Ochilganda oydeksan

Muncha ham chiroylisan

Paxtajonim, paxtajon.

Boshlovchi: Endi navbatni “Mehrjon bayrami” ashulasiga beramiz.
Bizning kumush paxtaoy

Dalamizga sen chiroy

To`lib chiqding chanoqdan.
Boshlovchining xayrlashuv so`zlari.


Toshkent shahar Chilonzor tumani

XTMFMT va TEB ga qarashli

“SHODLIK” nomli

526-bog`cha maktab majmuasi