Shoaliyeva Nargiza (654-16) 1-mavzu savollariga javoblar Sotsiologiya atamasini ta’riflang

Mikrosotsiologiya – sotsial bilimlar sohasi boʻlib, shaxslar oʻrtasidagi, guruhlar ichidagi va kishilar orasidagi kundalik oʻzaro hatti-harakatlarni oʻrganadi.

Mikrosotsiologiyada, masalan iqtisodiyotda uy xo‘jaligi, ayrim firma va korxonalar iqtisodiyoti sotsiologik tahlil uchun asos qilib olinadi. Iqtisodiyot sotsiologiyasida bu ob’ektlar, ularning iqtisodiyoti mikroiqtisodiyot deb yuritiladi. Masalan, 2013 yil 19 dekabrda Surxondaryo viloyati xalq deputatlari kengashida Prezidentimiz islom Karimov ana shu viloyatning bozor islohotlari sharoitida amalga oshirayotgan ishlari chuqur tahlil etiladi.

Mikrosotsiologik yo‘nalishning shakllanishi tahminan XX asrning 30yillaridan boshlangan. Bu shartli ravishda mazkur asrning 20-30yillarida AQShda boshlangan ijtimoiy jarayonlar bilan bog‘liq edi. Iqtisodiy inqiroz, buyuk depressiya, yirik shaharlarda gettoning paydo bo‘lishi, ko‘p sonli sotsial anomaliyalarning paydo bo‘lishi (alkogolizm, tilamchilik, jinoyatchilik) kabilar mikrosotsiologik tadqiqotlar, ya'ni empirik tadqiqotlarning rivojiga sabab bo‘ldi. Mikrosotsiologiyaning paydo bo‘lishidan so‘ng sotsiologlarning aksariyati jamiyatda kuzatilayotgan sotsial muammolarni o‘rganish davomida ularni makro darajadagi bilimlar, ya'ni umumiy nazariyalar nuqtai nazaridan birgalikda o‘rganmay qo‘ydi. O‘tkazilgan sotsiologik tadqiqotlar asosan mikro darajada amalga oshirilib, pragmatik yo‘nalishda, ya'ni tor doiradagi aniq sotsial muammoni yechishga qaratilgan bo‘lgan.

Mikrosotsiologiya insonlarning kundalik hayotidagi o‘zaro sotsial muloqotlarini (interaksiya, o‘zaro munosabatlar) o‘rganadi. Mazkur yo‘nalish tarafdorlari sotsial hodisalarning mazmunini mazkur hodisalarga insonlarning o‘zaro munosabatlarga kirishganidan so‘ng bergan ma'nolarini o‘rganib tushunish mumkin, deb hisoblashadi. Ularning asosiy e'tibori individlarning xulq-atvori, qilmishlari va motivlariga qaratilgan. Chunki insonlarning xulq-atvori, motiv va xatti-harakatlari jamiyatdagi shaxslararo o‘zaro harakatga ta'sir ko‘rsatib, jamiyatning barqarorligi va unda kechuvchi o‘zgarishlarda o‘z aksini topadi.