Шавкат Мирзиёев Мавзу: Қонун устуворлигини таъминлаш ва суд-ҳУҚУҚ тизимини янада ислоҳ Қилиш

Ҳаракатлар стратегиясининг иккинчи йўналишининг 2.4-бандида “Жиноятчиликка қарши курашиш ва ҳуқуқбузарликларнинг олдини олиш тизимини такомиллаштириш” масаласи назарда тутилган. Унда қуйидаги устувор вазифалар белгилаб берилган:

• жиноятчиликка қарши курашиш ва ҳуқуқбузарликларнинг олдини олиш борасидаги фаолиятни мувофиқлаштиришнинг самарадорлигини ошириш;
• диний экстремизм ва терроризмга, уюшган жиноятчиликнинг бошқа шаклларига қарши курашиш бўйича ташкилий-амалий чораларни кучайтириш;
• коррупцияга қарши курашишнинг ташкилий-ҳуқуқий механизмларини такомиллаштириш ва коррупцияга қарши курашиш тадбирларининг самарадорлигини ошириш;
• аҳолининг ҳуқуқий маданияти ва онгини юксалтириш, бу борада давлат тузилмаларининг фуқаролик жамияти институтлари, оммавий ахборот воситалари билан ўзаро самарали ҳамкорлигини ташкил этиш.

Ҳуқуқий давлатни қуришда қуйидагиларни амалга оширишни тақозо этади:

• Жамиятда умумий маданиятни юксалтириш, инсонларнинг маънавий комолотини ва ҳуқуқий билимларини тобора бойитиб бориш;
• Ҳуқуқий ҳужжатлар ва қонунларни яратиш билан шуғулланувчи давлат идоралари жамият ҳаётининг барча соҳаларида ижтимоий муносабатларнияхши билиши, қабул қилинган ҳуқуқий меъёрларни бажарилишини билиши;
• Ижтимоий, иқтисодий, сиёсий ва ташқи муносабатларни тартибга солиб турувчи мукаммал конституция, Қонунлар ва бошқа ҳужжатларнинг мавжудлиги, амал қилиши, назоратини бажарилиши
• Ҳуқуқий ҳужжатлар мазмуни жиҳатдан демократик, адолатли, инсонпарвар бўлиши.

Диний экстремизм, терроризм ва уюшган жиноятчиликнинг бошқа шаклларига қарши курашиш бўйича ташкилий-амалий чора-тадбирларни кучайтириш.

• Бугунги кунда мамлакатимизда диний экстремизм, терроризм ва уюшган жиноятчиликнинг бошқа шаклларига қарши курашиш борасида етарли тажриба ва ҳуқуқий база шакллантирилган. Жумладан, Ўзбекистон Республикасининг 2000 йил 15 декабрдаги “Терроризмга қарши кураш тўғрисида” Қонуни, 2004 йил 26 августдаги 660-II-сонли “Жиноий фаолиятдан олинган даромадларни легаллаштиришга ва терроризмни молиялаштиришга қарши курашиш тўғрисида”ги қонуни, шунингдек, мамлакатимизда БМТнинг трансмиллий уюшган жиноятчиликка қарши конвенцияси ратификация қилинган ва Ўзбекистон Республикаси Ҳукумати ва қатор хорижий давлатлар ҳукуматлари ўртасида имзоланган уюшган жиноятчилик ва терроризмга қарши курашиш тўғрисидаги қатор ҳамкорлик меморандумлари диний экстремизм, терроризм ва уюшган жиноятчиликнинг бошқа шаклларига қарши курашишда мустаҳкам ҳуқуқий асос вазифасини ўтамоқда.