Шартнома № “ Барака

IV. Томонларнинг ҳуқуқ ва мажбуриятлари 
4.1.
Омонатчи қуйидаги ҳуқуқларга эга: 
4.1.1. Банкнинг омонат турлари тўғрисидаги маълумотларни оғзаки, банк телефон 
алоқаси ёки Интернет вебсайтлари орқали олиш; 
4.1.2. Омонат суммаси ва у бўйича ҳисобланган фоизларни ушбу шартномада 
келишилган шартлар асосида белгиланган муддатларда банкдан олиш; 
4.1.3. Омонатчи банк омонати шартномаси муддати тугагунга қадар давр оралиғида 
банкдан мавжуд омонатини муддатидан олдин қайтариб беришни ёки уни бошқа омонат 
турига қайта расмийлаштиришни мазкур шартнома шартлари асосида талаб қилиш; 
4.1.4. Омонатчи ўз истагига кўра банкнинг “SMS banking” ёки бошқа амалдаги 
хизмат турларидан, “Электрон оферта” асосида банк билан белгиланган тартибда 
муносабатга киришиши ҳамда омонат ҳисобварақларидан масофадан фойдаланиш. 
4.2. Банк қуйидаги ҳуқуқларга эга: 
4.2.1. Омонатчи ёки унинг қонуний вакилларидан ҳисобварақ очиш ҳамда 
амалиётларни бажаришда шахсини аниқлаш мақсадида шахсини тасдиқловчи 
ҳужжатини кўрсатилишини талаб этиш ва унинг нусхасини олиш. Зарур ҳолларда 
қонунда кўзда тутилган бошқа қўшимча ҳужжатларни талаб қилиш;
4.2.2. Омонатчининг банк омонати ҳисобварағидаги пул маблағларини уларнинг 
омонат дафтарчалари билан мос келишини ички хатловдан ўтказиш ёки бошқа зарур деб 
топилган ҳолларда юзага келган ноаниқликлар бўйича омонатчини банкка таклиф 
қилиш; 
4.2.3. Омонат муддати тугаганидан сўнг омонатчи томонидан жойлаштирилган 
маблағини қайтариб олиш талаб қилинмаган ҳолларда, ушбу омонатини талаб қилиб 
олингунча сақланадиган омонатлар ҳисобварағини омонатчининг розилигисиз очиб, 
ушбу ҳисобвараққа ўтказиш; 
4.2.4. Банк омонатчининг омонат ҳисобварағида турган пул маблағларига доир банк 
операциялари ва дастурий хизматлар бўйича омонатчининг розилигисиз бажарилган 
амалиётлар учун банкнинг амалдаги хизмат тарифларига асосан воситачилик ҳақини 
ундириш; 
4.2.5. Банк ушбу ҳисобварақ ва у орқали бажарилган амалиётлар тўғрисидаги 
маълумотларни “Банк сири тўғрисида” Ўзбекистон Республикаси қонунида белгиланган 
тартиб асосида учинчи шахсларга омонатчининг розилигисиз бериш ва қонунчиликда 
таъқиқланмаган бошқа ҳуқуқларга эга. 
4.3. Омонатчининг мажбуриятлари қуйидагилардан иборат: 
4.3.1. Омонатчи ушбу омонат шартномасида келишилган суммани тўлиқ ва ўз 
вақтида банкдаги омонат ҳисобварағига топшириш; 

---

4.3.2. Агар омонатчи жамғарма омонатини банк омонати шартномасида 
кўрсатилган муддатидан олдин тўлиқ ёки қисман қайтариб беришни талаб қилса, 
омонатчи жойлаштирган омонатини муддатидан олдин қайтариб олиши тўғрисида 
банкни камида бир ой олдин хабардор қилиш; 
4.3.3. Омонатчи банкнинг “SMS banking” хизмати ёки “Электрон оферта” асосида 
омонат дастурининг амалдаги электрон шаклидан фойдаланиш жараёнида 
маълумотларни ошкор қилиш ёки қилмаслик жумладан, масофавий тарзда амалга 
оширган амалиётларининг барча оқибатлари ва хатарлари бўйича жавобгарликни тўлиқ 
ўз зиммасига олиши. 
4.4. Банкнинг мажбуриятлари қуйидагилардан иборат: 
4.4.1. Банк омонатнинг сир сақланишини, омонат маблағларини хисобварақларга 
киритиш ва чиқаришда амалдаги қонунчиликка риоя қилиш; 
4.4.2. Омонат ва унга ҳисобланган фоизларни мазкур шартнома шартлари асосида 
ўз вақтида тўлиқ миқдорда қайтариб бериш ёки омонатчи талабига кўра бошқа ҳисоб 
рақамга ўтказиш.