Shartli belgilar

Serbiyaning
mustaqillikka
erishishi

---

89
Serbiyada Rossiya tarafdorlari bo‘lgan kuchlar katta ta’sirga ega
bo‘lgan. Natijada, shu omillar qachonlardir Avstriya-Vengriya  va
Rossiya manfaatlarining qattiq to‘qnashuvini keltirib chiqarishi
muqarrar edi.
Bolqonning boshqa xalqlari qatori, Tur-
kiya mustamlakasi bo‘lgan Albaniya ham
o‘z mustaqilligi uchun kurashni kuchay-
tirdi. Albaniyadagi barcha siyosiy kuchlar Albaniyani taqsimlab
olish rejalarini tuzayotgan chet el davlatlari siyosatiga qarshi
chiqdilar. Bolgariyada chiqayotgan „Kalendari kombiar“ („Milliy
kalendar“) jurnali 1902-yilda shunday deb yozgan: „Biz uyquda
yotibmiz, bu vaqtda esa bizning ustimizda savdolashmoqdalar“.
1909—1911-yillarda Albaniyada qo‘zg‘olon ko‘tarildi. Bunda xalq-
ning barcha tabaqalari ishtirok etdi.
Birinchi Bolqon urushida Turkiyaning yengilishi natijasida,
1912-yil 28-noyabrda Albaniya mustaqillikka erishdi. Turklarning
qariyb besh asr davom etgan hukmronligiga barham berildi.