«sharq» nashriyot-matbaa

3
 
Tarixiy  xotirasiz 
kelajak yo'q 

---

gan  bo'lsa,  ikkinchidan,  ota-bobolarimiz,  mustamlaka  jabr-zulmiga  qarshi  Vatan 
ozodligi  va  mustaqilligi  uchun  qahramonona  kurashlarini  davom  ettirdilar, 
uchinchidan,  Vatan  ravnaqi  yo'lida  fidokorona  mehnat  qilib,  katta  ma'naviy  va 
moddiy bunyodkorlik ishlarini amalga oshirdilar. 
Aziz  o'qvvchilar!  Siz  ushbu  darslikni  o'qish  jarayonida  yaqin  o'tmishimizdagi 
turli-tuman tarixiy hodisalar tafsilotiga duch kelasiz. Bu hodisalarga teran baho berish 
nihoyatda  mushkul.  Mustaqil  davlatchiligimiz  mohiyatini  to'la  anglab  yetish  uchun 
mustamlakachilik  sharoitida  shu  hududda  yashagan  xalqlarning  boshidan 
kechirganlari, jabr-zulm, turli sitamlarga qaramay, o'z e'tiqodi, qadriyatlari va ezgulik 
yo'lidagi  sobit  qadamligini  saqlab  qolganligi  haqidagi  tarixiy  voqeliklarni  bilishi 
muhimdir. 
Bundan tashqari darslik bilan tanishishda qo’yidagi masalalar bo'yicha atroflicha 
ma'lumotlarga ega bo'lasiz: 
-  Rossiya imperiyasi istilosi arafasida O'rta Osiyo xonliklari (Buxoro amirligi, 
Xiva va Qo'qon xonliklari) dagi mavjud madaniy ijtimoiy-iqtisodiy va siyosiy holat; 
-  O'rta Osiyo xonliklarining Rossiya imperiyasi tomonidan istilo etilishi; 
-  Rossiya  imperiyasining  Turkistonni  ijtimoiy-iqtisodiy,  siyosiy,  madaniy-
ma'rifiy jihatdan mustamlakaga aylantirish uchun tutgan siyosati va uning oqibatlari; 
-  Turkiston  o'lkasida  milliy  davlatchilikni  tiklash  va  istiqlolga  erishish  uchun 
olib borilgan kurashlar, jadidchilik harakatlari va ularning dastlabki qadamlari.