Ammo ushbu usulni qo‘llashda moliya-xo‘jalik faoliyatini
yuritish uchun soliq organlariga hujjatlarni taqdim etish
talab etilmaydi. Soliq to‘lovchilar tomonidan soliq organ-
lariga «nollik» balanslarni, moliya-xo‘jalik faoliyatini amal-
ga oshirilmaganligi to‘g‘risidagi soxta ma’lumotlarning
berilishi ham mazkur usulga kiradi. Respublikamizda hozir-
gi vaqtda soliq to‘lashdan bo‘yin tovlashning birinchi usuli-
ni fuqarolarga nisbatan qo‘llashning huquqiy asoslari
mavjud emas.
2. Yuridik va jismoniy shaxslarning soliq nazoratidan
chetda qolishi.
Soliq nazoratini amalga oshirish maqsadida har bir soliq
to‘lovchi korxonaning joylashgan o‘rniga ko‘ra, fuqarolarni
esa yashash joylariga ko‘ra soliq organlarida hisobda tu-
rishlari shart.
Moliyaviy-xo‘jalik faoliyatini yuritishni soliq organlari-
dan yashirish soliq to‘lashdan bo‘yin tovlashning juda keng
tarqalgan usullaridan biriga aylangan. Ayrim hollarda kor-
xonalar tomonidan umuman, joriy davrda moliyaviy-
xo‘jalik faoliyatini yuritilmaslik to‘g‘risida soxta ma’lumot-
lar beriladi. Shuning uchun hisobga qo‘yish to‘g‘risidagi
ariza qabul qilinayotganda amaldagi qonunchilikka ko‘ra
xususiy tadbirkor o‘zining shaxsini tasdiqlovchi hujjatlarni
taqdim etishi shart. Hisobga olish masalasida tashkilot
tomonidan ariza berilganda tegishli tartibda tasdiqlangan
quyidagi hujjatlarning bir nusxasi taqdim etiladi. Ro‘yxat-
dan o‘tganligi to‘g‘risidagi guvohnoma, ta’sis hujjatlari va
davlat ro‘yxatidan o‘tish uchun zarur bo‘lgan boshqa huj-
jatlar mazkur usulni amalga oshirishda tadbirkorni ro‘yxat-
dan o‘tkazishda soxta yoki o‘g‘irlangan hujjatlar shaxsni
tasdiqlovchi hujjatlar sifatida hisobga qo‘yiladi. Shunday
qilib, soliq to‘lovchining moliyaviy-xo‘jalik faoliyati boshqa
shaxslar tomonidan amalga oshiriladi.
299
Mazkur usulni qo‘llash, ko‘pchilik hollarda, «bir kunlik
firma»larning yuzaga kelishiga olib keladi. Ularni soliq
organlarida hisobga qo‘yish bir yoki bir necha moliyaviy-
xo‘jalik operatsiyasini bajarish maqsadida amalga oshiriladi.
Ko‘zda tutilgan operatsiyalar amalga oshirilgandan so‘ng,
mazkur firma tugatiladi. Mana shunday firmalarning yuza-
ga kelishi va faoliyat ko‘rsatishiga to‘sqinlik qiluvchi
manzilli qonuniy me’yorlarning mavjud emasligi davlat
budjetiga jiddiy zarar yetkazadi.
3. Soliq to‘lovchining moliyaviy-xo‘jalik faoliyatlari nati-
jalarini buxgalteriya hujjatlarida aks ettirilmasligi.
Mazkur usuldan foydalanish, asosan, korxonalarning
buxgalteriya hisobida ayrim bitimlarni aks ettirilmasligida
namoyon bo‘ladi. O‘zbekiston Respublikasining «Buxgalte-
riya hisobi to‘g‘risida»gi qonuniga muvofiq korxona va
tashkilotlarning barcha operatsiyalari birlamchi buxgalteriya
hujjatlarida o‘z aksini topishi shart. Ana shu birlamchi bux-
galteriya hujjatlariga asosan buxgalteriya hisobi yuritilishi
lozim. Shuning uchun ham ayrim operatsiyalarni yashirish
maqsadida soliq to‘lovchilar birlamchi buxgalteriya hujjat-
larini yo‘q qiladilar yoki ularni rasmiylashtirmaydilar.
O‘zbekiston Respublikasi sharoitida, tovarlarni sotish nati-
jasida olingan naqd pullarni kassaga kirim qilmaslik holat-
lari mazkur usul namoyon bo‘lishining asosiy shakli
hisoblanadi. Mazkur usulni amalga oshirish aholi bilan
hisob-kitoblarni nazorat-kassa mashinalarisiz va xaridor-
larga chek berish yo‘li bilan amalga oshirish mumkin.
4. Soliqqa tortiladigan bazani kamaytirish imkonini be-
ruvchi iqtisodiy ko‘rsatkichlarni noqonuniy o‘zgartirish yo‘li
bilan soliqqa tortish obyekti xususidagi ma’lumotlarni soxta-
lashtirish.
Amaldagi qonunchilikka muvofiq soliqqa tortish
obyektlari sifatida mulk, foyda, daromad, sotilgan tovarlar
va ko‘rsatilgan xizmatlarning qiymati maydonga chiqadi.
Soliqqa tortish obyekti soliqqa tortishning muhim ele-
mentlaridan biri hisoblanadi va u soliq yukini shakllan-
tirishda muhim rol o‘ynaydi. Soliq to‘lovchining jismoniy
yoki yuridik shaxs ekanligi, uning moliyaviy-xo‘jalik faoli-
yatini amalga oshirishga xos bo‘lgan xususiyatlar soliqqa
tortish obyektining miqdoriga bevosita ta’sir ko‘rsatadi. Bu
esa soliq to‘lovchiga noqonuniy asosda soliq yukini kamay-
tirish imkonini beradi.
300
Amaldagi soliq qonunchiligiga muvofiq har bir soliq turi
bo‘yicha alohida soliq stavkalari belgilangan. Bularning
ustiga soliq imtiyozlari ham soliq to‘lovchilarning har bir
toifasi uchun alohida qilib belgilangan.
Soliq to‘lashdan bo‘yin tovlashning mazkur usulidan
foydalanish o‘ziga xos tarzda amalga oshiriladiki, buning
natijasida soliqqa tortish obyektining haqiqiy miqdori uning
e’lon qilingan miqdoridan sezilarli darajada yuqori bo‘-
ladi.
5. «Soxta eksport» operatsiyalarini amalga oshirish yo‘li
bilan qo‘shilgan qiymat solig‘ini noqonuniy qoplash.
Ma’lumki, qo‘shilgan qiymat solig‘i bo‘yicha soliqqa
tortish obyekti bo‘lib, O‘zbekiston Respublikasi hududida
tovarlarni, bajarilgan ishlar va ko‘rsatilgan xizmatlarni
sotish bo‘yicha oborotlar hisoblanadi. Davlat budjetiga
to‘lanadigan soliq summasi sotilgan mahsulotlar (xizmatlar,
ishlar) uchun xaridorlardan olingan soliq summasi bilan
mol yetkazib beruvchilarga to‘langan soliq summasi
o‘rtasidagi farq sifatida aniqlanadi.
O‘zbekiston soliq qonunchiligiga ko‘ra eksport qilina-
yotgan tovarlar va ko‘rsatilayotgan xizmatlar qo‘shilgan
qiymat solig‘ini to‘lashdan ozod qilingan. Soliq to‘lashdan
bo‘yin tovlashning mazkur usulidan foydalanish quyidagi
yo‘llar bilan amalga oshiriladi:
œ
eksport qilinayotgan tovar haqiqatda mamlakat che-
garasidan chiqmaydi, eksportchi korxona budjetdan
qo‘shilgan qiymat solig‘ini undirish uchun bojxona organ-
larining soxta muhridan foydalanadi;
œ
olib chiqib ketilayotgan tovarlar atayin yuqori baho-
larda aks ettiriladi;
œ
qo‘shilgan qiymat solig‘i bo‘yicha budjetdan qoplash
summasini undirish uchun amalda bitta eksport bitimi
bo‘yicha bir necha soliq to‘lovchilar murojaat qilishadi.
Soliqdan bo‘yin tovlash mazkur usulining namoyon
bo‘lish shakllaridan biri qo‘shma faoliyat xususidagi shart-
nomani rasmiylashtirish yo‘li bilan bitimni yashirish
hisoblanadi.
Ayrim shaxslar ikki yoki undan ortiq kishidan iborat
yuridik shaxs maqomiga ega bo‘lmagan uyushmalar tashkil
etadilar. Bundan maqsad noqonuniy asosda foyda olish
hisoblanadi. O‘zbekiston Respublikasining «Korxonalar
301
to‘g‘risida»gi qonuniga muvofiq uyushgan korxonalarning
ixtiyorida soliq to‘lagandan keyin qoladigan mablag‘lar
foyda solig‘iga qayta tortilmaydi. Ushbu usul hamkorlik
asosida moliyaviy-xo‘jalik operatsiyalarini amalga oshirish-
da pul mablag‘lari va boshqa mulklarni soliq to‘lashdan
bo‘yin tovlash maqsadida qaytarib olmaslik sharti bilan
berishda va soliqqa tortishning imtiyozli rejimidan noqo-
nuniy ravishda foydalanishda ishlatiladi.
6. Notijorat tashkilotlari tomonidan foyda solig‘iga tortil-
maydigan asosiy faoliyat turi bahonasida tijorat faoliyatini
yuritish.
Mazkur usulning mavjudligi, faoliyati foyda olishni
ko‘zlamaydigan tashkilotlarning mavjudligi bilan izohlana-
di. Bu tashkilotlarning asosiy faoliyat turi bo‘yicha pul
mablag‘lari soliqqa tortilmaydi, ammo ularning tijorat
faoliyatidan olinadigan daromadlari foyda solig‘iga tortila-
di. Ular notijorat faoliyat shaklida tijorat faoliyatini amalga
oshiradilar. Bu usul notijorat tashkilotlari tomonidan ta’lim
xizmatlarini ko‘rsatishda, asosiy vositalarni ijaraga berishda
ko‘p qo‘llaniladi. Ular, odatda, ta’lim xizmatlari ko‘rsatish-
dan olingan pul mablag‘larini a’zolik badallari sifatida ras-
miylashtiradilar, ijaraga berilgan asosiy vositalardan kelgan
tushumlarni esa xayr-ehson badallari sifatida rasmiylashti-
radilar.
7. Aksiz solig‘iga tortiladigan tovarlarni aksiz solig‘iga tor-
tilmaydigan tovarlar sifatida ishlab chiqarish va sotish.
O‘zbekiston Respublikasida aksiz solig‘iga tortiladigan
tovarlar ro‘yxati O‘zbekiston Respublikasi Prezidentining
qarori bilan belgilanadi. Faqat paxta tolasi, zargarlik buyu-
miga aksiz solig‘i stavkalari hamda aksiz solig‘ini to‘lash
tartibi O‘zbekiston Respublikasi Moliya vazirligi tomonidan
belgilanadi. «Uzdeuavto» AJ avtomobillariga aksiz solig‘ini
Moliya vazirligi Davlat soliq qo‘mitasi bilan birga belgi-
laydi.
Aksiz solig‘i to‘laydigan tashkilotlar tomonidan amalga
oshiriladigan barcha xo‘jalik operatsiyalari birlamchi bux-
galteriya hujjatlarida aks etgan bo‘lishi kerak. Soliq to‘lash-
dan bo‘yin tovlashning mazkur usulida soliq to‘lovchilar
birlamchi buxgalteriya hujjatlaridagi ma’lumotlarni soxta-
lashtiradilar.
Mazkur usulni qo‘llashda soliq to‘lovchilar eksport ope-
ratsiyalari haqiqatda amalga oshirilmagan sharoitda aksiz
302
solig‘i bo‘yicha berilgan yengilliklardan noqonuniy tarzda
foydalanadilar.
Shunisi xarakterliki, nafaqat aksiz solig‘i, balki boshqa
soliq turlari bo‘yicha ham soliq to‘lashdan bo‘yin tovlash
usullarining o‘ziga xos xususiyatlari mavjuddir. Jumladan,
korxonalarning foydasidan olinadigan soliqni to‘lashdan
bo‘yin tovlash usullariga xos bo‘lgan asosiy xususiyatlar
quyidagilardan iborat:
— ishlab chiqarish jarayonini texnik jihatdan qayta
qurollantirish, rekonstruksiya qilish, uy-joy qurilishi kabi
foyda hisobidan moliyalashtiriladigan xarajatlar yuzasidan
beriladigan soliq imtiyozlari summasini oshirib ko‘rsatish;
— korxonaning balansida turgan ijtimoiy-madaniy
muassasalarni saqlash yuzasidan beriladigan soliq imtiyoz-
lari summasini oshirish;
— ishlovchilari umumiy sonining kamida 50 foizini
nogironlar, ikkinchi jahon urushi va mehnat fronti faxriy-
lari tashkil etgan korxonalarga foyda solig‘idan berilgan
imtiyoz summasidan noqonuniy tarzda foydalanish;
— boshqa shu kabi xususiyatlar.
Qo‘shilgan qiymat solig‘ini to‘lashdan bo‘yin tovlash
usullaridan foydalanishga xos bo‘lgan asosiy xususiyatlar
quyidagilardan iborat:
— o‘zaro hisoblashishlar bo‘yicha qo‘shilgan qiymat
solig‘ini hisoblamaslik;
— soliq deklaratsiyalarida qo‘shilgan qiymat solig‘i
summalarini asossiz ravishda oshirib ko‘rsatish;
— budjetdan qoplanishi lozim bo‘lgan qo‘shilgan qiy-
mat solig‘i summalarini noqonuniy tarzda oshirib ko‘rsa-
tish;
— qo‘shilgan qiymat solig‘i bo‘yicha pul omonatlari,
joriy hisobvaraqlar, to‘lovlar, o‘tkazmalar, cheklar va
boshqa qimmatli qog‘ozlar bilan bog‘liq operatsiyalar bo‘yi-
cha berilgan soliq imtiyozlaridan noqonuniy tarzda foy-
dalanish;
— o‘zi ishlab chiqargan qishloq xo‘jalik mahsulotlari-
ning sotish hajmini asossiz ravishda oshirib ko‘rsatish;
— boshqa xususiyatlar.
Jismoniy shaxslardan olinadigan daromad solig‘ini
to‘lashdan bo‘yin tovlash usullaridan foydalanishga xos
bo‘lgan asosiy xususiyatlar naqd pulda olingan daromadlar
bo‘yicha quyidagilardan iborat:
303
— yirik miqdorda moddiy yordamlar olish faktini
yashirish;
— qaytarib bermaslik sharti bilan olingan ssudalar sum-
masini ko‘rsatmaslik;
— jami yillik daromad to‘g‘risidagi deklaratsiyada daro-
madlarni to‘liq ko‘rsatmaslik;
— o‘z vaqtida deklaratsiyani soliq organlariga taqdim
etmaslik;
— boshqa xususiyatlar.
Yuqorida qayd etilgan usullardan sezilarli darajada farq
qiluvchi usullar guruhi ham mavjud bo‘lib, bu guruhdagi
usullar mijozning pul mablag‘lari xususidagi ma’lumotlarni
soxtalashtirishi natijasida paydo bo‘ladi. Mazkur guruh-
ga mansub bo‘lgan usullarga quyidagilarni kiritish mum-
kin:
a) hisob-kitoblarning ma’lum qismini naqd pullarda
amalga oshirish va naqd pulda olingan tushumlarni aylan-
ma kassaga kirim qilmaslik.
O‘zbekiston Respublikasining «Davlat soliq xizmati
to‘g‘risida»gi qonunining 7-moddasi 3-bandiga muvofiq,
soliq to‘lovchilar tomonidan qonunchilikda belgilangan
muddatlarda to‘lanmagan soliqlar soliq organlari tomo-
nidan soliq to‘lovchining hisob-raqamidagi pul mablag‘lari
hisobidan inkassa topshiriqnomasi qo‘yish yo‘li bilan undi-
rib olinadi.
Ayrim korxonalar olayotgan tushumlarini soliq organ-
larining inkassa topshiriqnomalari asosida to‘lanishiga yo‘l
qo‘ymaslik maqsadida naqd pulda olingan tushumlarni
aylanma kassaga kirim qiladilar, lekin hisob-raqamiga kirim
qilmaydilar, kassaga kirim qilingan naqd pullar hisobdor
shaxslarga berish, mol yetkazib beruvchilar bilan hisob-
lashish kabi maqsadlarga xarajat qilinadi;
b) budjetdan qarzdorlik (boqimanda) mavjud bo‘lgan
sharoitda hisob-kitoblarni uchinchi shaxs orqali amalga
oshirish.
Mazkur usuldan foydalanishdan ko‘zlangan maqsad
soliq to‘lovchining joriy hisob-raqamidagi pul mablag‘lari
hisobidan majburiy tartibda undirilishi lozim bo‘lgan soliq
to‘lovlaridan bo‘yin tovlash hisoblanadi. Bunday sharoitda
tovarlarni sotish natijasida olinadigan tushum summasini
soliq organining inkassa topshiriqnomasiga asosan olib
304
305
qo‘yilishiga yo‘l qo‘ymaslik maqsadida mol yetkazib beruv-
chi xaridordan to‘lov summasini uchinchi shaxsning joriy
hisob-raqamiga o‘tkazishni talab qiladi.
Mazkur usuldan foydalanish ko‘lamini tavsiflovchi ko‘r-
satkichlardan biri – boqimandalar summasi mutlaq miq-
dorining tahlil qilingan davr mobaynida sezilarli ravishda
o‘sishi hisoblanadi.
Umuman olganda soliq majburiyatlaridan bo‘yin
tovlash usullari umumiy belgilariga ko‘ra aniq guruhlarga
bo‘linadi. Bundan tashqari, har bir soliq turi bo‘yicha
ushbu usullardan foydalanishga xos bo‘lgan xususiyatlar
mavjud bo‘lib, ular, pirovard natijada soliq to‘lashdan
bo‘yin tovlash usullari mohiyatini ochishga xizmat qiladi.
7.3. SOLIQQA OID QONUNBUZILISHNING OLDINI
OLISH TADBIRLARINING SAMARADORLIGINI
OSHIRISH
Soliq to‘lashdan bo‘yin tovlash jarayonlarining amalda-
gi holatini tahlil qilish natijalari shuni ko‘rsatadiki, respub-
likamizda bu boradagi qonunbuzarliklar, asosan, qo‘shilgan
qiymat solig‘i, korxonalarning foydasidan olinadigan soliq
va aksiz solig‘ini to‘lash jarayonida uchramoqda. 2007-yil-
ning 1-yanvar holatiga, davlat budjetiga o‘z vaqtida undiril-
magan soliqlarning 38,7 foizi qo‘shilgan qiymat solig‘ining
hissasiga, 16,0 foizi yuridik shaxslardan olinadigan foyda
solig‘i hissasiga, 12,1 foizi esa aksiz solig‘ining hissasiga
to‘g‘ri keldi
1
. Agarda Rossiya Federatsiyasida o‘z vaqtida
undirilmagan soliq to‘lovlarining tarkibiga nazar solsak:
korxona foydasidan olingan soliq – 43,0%, qo‘shilgan qiy-
mat solig‘i – 28,4%, yo‘l fondiga ajratmalar – 6,7%,
fuqarolardan olingan daromad solig‘i – 3,7%, aksizlar –
1,2 foizni tashkil etgan
2
.
Ma’lumotlardan ko‘rinadiki, davlatga soliqlarni to‘lash-
dan bo‘yin tovlash natijasida yetkazilgan zararlarning asosiy
qismi qo‘shilgan qiymat solig‘i va yuridik shaxslarning foy-
1
O‘zbekiston Respublikaci Davlat soliq qo‘mitasining joriy va yillik hisobot
ma’lumotlari asosida hisoblangan.
2
Êó÷åðîâ È. È. Íàëîãîâûå ïðåñòóïëåíèÿ. — Ì.: Þðèíôîð, 1997. — Ñ. 40.
306
dasidan olinadigan soliqlarning hissasiga to‘g‘ri keladi. Bu
esa, davlat budjeti daromadlarining shakllanish jarayoniga
bevosita va kuchli salbiy ta’sirni yuzaga keltiradi, chunki
mazkur soliq turlari bo‘yicha tushumlar summasi davlat
budjeti daromadlarining umumiy hajmida sezilarli salmoqni
egallaydi.
Yuridik shaxslardan olinadigan foyda solig‘i bo‘yicha
zararlar summasining katta ekanligi soliq nazoratini yetarli
darajada takomillashmaganligidan dalolat beradi.
Yuqoridagi ma’lumotlar shuni ko‘rsatdiki, soliq to‘lash-
dan bo‘yin tovlashning quyidagi 2 usuli juda keng tarqal-
gan:
a) tovar tannarxini asossiz ravishda oshirib ko‘rsatish;
b) sotilgan tovarlar, ko‘rsatilgan xizmatlar va bajarilgan
ishlardan olingan tushum summalarini yashirish.
Mazkur usullardan birinchi navbatda korxonalar foy-
dasidan olingan soliq va qo‘shilgan qiymat solig‘ini to‘lash-
da keng foydalanilmoqda. Bu esa, davlat budjetiga jiddiy
zarar yetkazadi. Chunki qo‘shilgan qiymat solig‘i va kor-
xona foydasidan olingan soliq davlat budjeti daromadlari-
ning umumiy hajmida sezilarli darajada yuqori salmoqni
egallaydi. Xususan, qo‘shilgan qiymat solig‘i O‘zbekiston
Respublikasida Davlat budjeti daromadlarini shakllantirish-
ning barqarorlik xususiyatiga ega bo‘lgan asosiy manbalar-
dan biri hisoblanadi.
Qator rivojlangan xorijiy mamlakatlarning soliq ama-
liyotidagi holatlar shuni tasdiqlaydiki, masalan, Fransiyada
qo‘shilgan qiymat solig‘ini to‘lashdan bo‘yin tovlash holat-
lari juda keng tarqalgan bo‘lib, bu pirovard natijada soliq
to‘lashdan bo‘yin tovlash miqyosini yalpi milliy mahsulot-
ning 2 foizini tashkil etadigan darajada kengayishiga olib
keldi
1
.
Shvetsiyada soliq to‘lashdan bo‘yin tovlashning darajasi
yalpi milliy mahsulotning 5 foizini tashkil etadi. Bunda
soliq yukini shakllanishiga ta’sir etuvchi asosiy soliqlar
bo‘lib qo‘shilgan qiymat solig‘i va korxonalar foydasidan
olinadigan soliq hisoblanadi
2
.
1
Sauvageot G. Precis de fiscalite. — Nathan, 1990. — C. 109.
2
Am P. La fiscalite en G‘race. — Hachette, 1998, — C. 186.
307
Fransiyada qo‘shilgan qiymat solig‘i bo‘yicha majbu-
riyatlarni bajarishdan bo‘yin tovlashning keng tarqalgan
usullariga quyidagilar kiradi:
1) Sotilgan tovarlar, ishlar va xizmatlarni schyot-faktu-
ra bilan rasmiylashtirmaslik.
Mazkur usuldan foydalanish soliq to‘lovchilarga tovar-
larni sotish bilan bog‘liq xarajatlarni korxonaning buxgal-
teriya hisobida aks ettirmaslik va buning natijasida qo‘shil-
gan qiymat solig‘ini to‘lamaslik imkonini beradi. Agar sotil-
gan tovarlar schyot-fakturadan foydalanish yo‘li bilan ras-
miylashtirilganida edi, unda qo‘shilgan qiymat solig‘i sum-
masini buxgalteriya hujjatlarida aks ettirmaslik mumkin
bo‘lmay qolar edi.
2) Fransiyada qo‘shilgan qiymat solig‘i bo‘yicha belgi-
langan soliq imtiyozlaridan noqonuniy tarzda foydalanish
hollari ko‘plab uchraydi.
Soliq yukini kamaytirish, yuqorida ko‘rib chiqqani-
mizdek, davlat budjetining daromad qismiga kelib tushadi-
gan soliq tushumlarini o‘sishiga ijobiy ta’sir ko‘rsatadi,
lekin soliq to‘lashdan bo‘yin tovlash hollariga butunlay
barham berish imkonini bermaydi. Bunga yorqin misol
qilib, Shvetsariya soliq amaliyotini olish mumkin. Shve-
tsariyada qimmatli qog‘ozlar bilan bog‘liq operatsiyalardan
olinadigan daromadlar nisbatan belgilangan soliq stavkala-
rini 35 foizgacha kamaytirilishi ushbu daromadlarni soliq
deklaratsiyalarida to‘g‘ri ko‘rsatilishiga olib kelmadi
1
.
Demak, qator rivojlangan mamlakatlarda qo‘shilgan
qiymat solig‘i bo‘yicha majburiyatlarni bajarishdan bo‘yin
tovlash soliqqa oid qonunbuzilishlarning asosiy shakli
hisoblanadi. Shu sababli, ularning qo‘shilgan qiymat soli-
g‘ini to‘lashdan bo‘yin tovlash usullaridan foydalanish taj-
ribasini o‘rganish amaliy ahamiyatga ega hisoblanadi.
Yuridik shaxslardan olinadigan foyda solig‘i bo‘yicha
sotilgan mahsulotning tannarxini atayin oshirib ko‘rsatish,
mahsulotlarning bir qismini naqd pulga sotish va tushumni
kassaga kirim qilmaslik ushbu soliq turi bo‘yicha soliq
to‘lashdan bo‘yin tovlashning keng tarqalgan usullaridan
hisoblanadi.
1
Hofer A. La francale en Suisse — Editions Grounauver. Geneve, 1978. — C.
141.
308
Shunisi xarakterliki, 2004—2006-yillar mobaynida
QQS, yuridik shaxslardan olinadigan foyda solig‘i, mol-
mulk solig‘i, aksiz solig‘i bo‘yicha soliq to‘lashdan bo‘yin
tovlash usullarining sonini kamayish tendensiyasi yuzaga
keldi. Bu esa ijobiy holat hisoblanadi.
7.3.1-diagramma
Soliqlarni to‘lashdan bo‘yin tovlashning turli usullari orqali davlatga
yetkazilgan zararlar summasining salmog‘i
1
, foizda
1
O‘zbekiston Respublikaci Moliya vazirligining yillik hisobot ma’lu-
motlari asosida hisoblangan.
Tushumni kamaytirib ko‘rsatish
Mahsulot tannarxini oshirib ko‘rsatish
Mahsulotni tannarxdan past sotish
Kassaga naqd pul tushumlarini kirim qilmaslik
Boshlang‘ich hujjatlarni soxtalashtirish yoki yo‘q qilish
Davlat ro‘yxatidan o‘tmasdan turib tijorat faoliyatini yuritish
Boshqa usullar
Keltirilgan diagramma ma’lumotlaridan ko‘rinadiki,
mamlakatimizning soliq amaliyotida tushumni kamaytirib
ko‘rsatish, mahsulot tannarxini asossiz ravishda oshirib
ko‘rsatish va naqd pullardagi tushumni kassaga kirim qil-
maslik usullari soliq to‘lashdan bo‘yin tovlashning asosiy
usullari hisoblanadi. Buning asosiy sababi shundaki, bi-
rinchidan, mahsulotlarning sezilarli qismi naqd pullarga
sotiladi, naqd pullar soliqdan qochishning qulay vositasi
Ko‘rsatkichlar
Yillar
hisoblanadi; ikkinchidan, mahsulotlarning tannarxini asos-
siz ravishda oshirib ko‘rsatish yuridik shaxslardan olinadi-
gan foyda solig‘i bazasini qisqarishiga olib keladi; uchinchi-
dan, tushumni kamaytirish egri va to‘g‘ri soliqlar sum-
masining kamayishiga olib keladi.
Soliq qonunchiligini buzish holatlarini iqtisodiyot tar-
moqlari bo‘yicha statistik holati shuni ko‘rsatadiki, savdo
sohasida, qishloq xo‘jaligi va sanoat tarmog‘ida qonun-
buzarliklarning soni yuqori salmoqni egallaydi. Ayniqsa,
savdoda bu ko‘rsatkich juda yuqoridir. Bu holat, avvalo,
savdo operatsiyalari ko‘lamining kengligi va xilma-xilligi
Do'stlaringiz bilan baham: |