Sharq filologiyasi fakulteti jahon adabiyoti kafedrasi

5-mavzu: O‘rta asrlar adabiyoti
O‘rta asrlar adabiyotiga xos xususiyatlar. Sharq va G‘arbda lirik va epik janrlar, ularning o‘ziga xos jihatlari. Fransuz, ispan, nemis, hind, eron, turkiy qahramonlik eposlari. Firdavsiyning «Shohnoma» asari ­– jahon adabiyoti durdonasi. Rumiy, Sa’diy Sheroziy va Umar Hayyom she’riyati. «Sid haqida qo‘shiq», «Nibelunglar» qo‘shig‘i, «Roland va Sharq qahramonlik qo‘shiqlari. Ritsar–kurtuaz adabiyotining yaratilishi. Trubadurlar lirikasi va ularning turlari. Ritsarlik romanlari syujeti va kompozitsiyasi. Mahmud Qoshg‘ariyning «Devoni lug‘otit turk», Yusuf Xos Hojibning «Qutadg‘u bilik» ­– didaktik asar.
6-mavzu: Uyg‘onish davri adabiyoti
Uyg‘onish davri ijtimoiy-tarixiy sharoiti. Sharq va G‘arb Renesansi. Ilk, O‘rta va Uyg‘onish davrining «oltin» asri. Fuzuliy, Jomiy, Alisher Navoiy, Bobur, Dante Aligeri, J.Bokkachcho, Shekspir, Petrarka, Fransua Rable va boshqa adiblar ijodi. Uyg‘onish davri lirik, epik va dramatik asarlari.
7-mavzu: XVII­–XVIII asr G‘arb va Sharq adabiyoti
Klassitsizm adabiyotining o‘ziga xosligi. Klassitsizm adabiyotining taraqqiyot bosqichlari va klassitsizm yo‘nalishidagi asarlar. XVIII asr Yevropa va Sharq ma’rifatchilik adabiyoti. J.Moler, J.Milton, Lope de Vega, D.Didro, Rassin, Migel de Servantes, D.Defo, Maxtumquli ijodi. G‘arb va Sharq ma’rifatchiligining mushtarak va farqli jihatlari.

8-mavzu: XIX asr jahon adabiyotida romantizm
Yevropa adabiyotida romantizmning paydo bo‘lishi va shakllanishi. Romantizmning nazariy asoslari va o‘ziga xosligi. Nemis adabiyotida romantizm. Aka-uka Grimmlar, Gofman, G.Geyne ijodi. Ingliz romantizmi. Bayron, Shelli ijodi. Fransuz adabiyotida romantizm. V.Gyugo va J.Sand ijodi. Amerika romantizm adabiyoti. F.Kuper ijodi. Rus romantizmi. A.S. Pushkin, M.Yu. Lermontov ijodi. Sharq xalqlari adabiyotida romantizm. Munis, Ogahiy, Berdaq ijodi.
9-mavzu: XIX - XX asr jahon realistik adabiyotida
Yevropada realizm adabiyotining paydo bo‘lishidagi yetakchi omillar. Realizm estetikasi. Ingliz, fransuz, nemis, rus va Sharq adabiyotida realizm. O.Balzak, G.Flober, Ch.Dikkens, O.Uayld, J.Ostin, M.Dostoevskiy, L.Tolstoy, E.Zolya, Abdulla Qodiriy, Avloniy va boshqalar ijodi.