Sharq filologiyasi fakulteti jahon adabiyoti kafedrasi

Taqrizchi:

A.Lixodzievskiy – O‘zDJTU professori, filologiya fanlari

Doktori


1. O‘quv fani o‘qitilishi bo‘yicha uslubiy ko‘rsatmalar
“Jahon adabiyoti” fani jahon adabiyotining millat hamda jamiyat ravnaqidagi o‘rnini talabalarga tushuntirish, ularda badiiy asarni chuqur anglash, tahlil va tadqiq etish malakasini hosil qilish, jahon adabiyoti durdonalarining jamiyat ijtimoiy hayotidagi o‘rni kabilar to‘g‘risida ma’lumot beradi.
“Jahon adabiyoti” fani qo‘shimcha fanlar blokiga kiritilgan kurs hisoblanib, barcha filologik ta’lim yo‘nalishlarida o‘qitiladi. Jahon adabiyoti haqida yetarli bilimga ega bo‘lish xorijiy tillar bo‘yicha yuqori malakali mutaxassislar tayyorlashning muhim omili hisoblanadi. Ushbu fan jahon adabiyotining eng sara namunalari bilan tanishtirishda xalqaro adabiy aloqalarning o‘rni va ahamiyatini anglashda yordam beradi.
Fanni o‘qitishdan maqsad – talabalarga jahon adabiyotining nazariy asoslarini, fanning asosiy tushunchalari va kategoriyalarini, jahon adabiyotiga xos umumiy qonuniyatlar va tamoyillarni o‘rgatishdan iborat.
Fan bo‘yicha talabalarning bilim, ko‘nikma va malakalariga quyidagi talablar qo‘yiladi. Talaba:

• 
  jahon adabiyoti tarixini davrlashtirish muammolari;
  
• 
  jahon adabiyoti namoyandalari, jahon adabiyoti taraqqiyotining rivojlanish bosqichlari;
  
• 
  adabiyot namunalarida tarixiy davr aks etganligi, asarlar syujeti, asarlar qaysi ijodiy metodga mansubligi;
  
• 
  Sharq va G‘arb jahon adabiyotidagi adabiy tur va janrlarni farqlash va ularning spesifik xususiyatlarini belgilay olish;
  
• 
  jahon adabiyotidagi tarixiy, ijtimoiy muhit, ijodiy maktab va an’analarning o‘rnini aniqlash;
  
• 
  jahon adabiyoti namunalarining estetik mohiyatini anglab yetish;
  
• 
  jahon adabiyotidagi jarayonlarini o‘zaro bog‘liqlik nuqtai nazaridan tahlil qilish;
  
• 
  Sharq va G‘arb jahon adabiyoti durdonalarini tahlil va talqin qilish malaka va ko‘nikmalariga ega bo‘lishi kerak.