Sharof rashidov nomidagi samarqand davlat universiteti kadrlarni innovatsion boshqarish

Ish bilan bandlar – a) pul bilan to‘lanadigan yoki natural xolidagi haq evaziga yollanib, shuningdek, o‘z faoliyati evaziga qancha muddat haq yoki daromad olishidan qat’iy nazar, foyda yoki oilaviy daromad olish uchun yollanmasdan haftasiga kamida 2 soat mobaynida ish bajargan; b) kasalligi yoki jarohatlanganligi tufayli, bemorlarga qarab turish uchun; yillik mehnat ta’tili yoki dam olish kunlarida; o‘z ish joyidan tashqarida ta’lim olganligi uchun; ma’muriyat tashabbusi bilan ta’minoti saqlab qolingan yoki saqlab qolinmagan holda mehnat ta’tilida bo‘lgan va boshqa shunga o‘hshash sabablar bilan vaqtincha ishda bo‘lmagan; d)oilaviy korxonada haq olmasdan ish bajargan shaxslar hisoblanadi.
Ish vaqti – xodimning ijtimoiy tashkil etilgan mehnatda ishtiroki davomiyligi me’yori; xodim bevosita o‘z mehnat vazifalarini bajarishi uchun lozim bo‘lgan, qonun bilan yoki qonun asosida belgilangan vaqt.
Ish davri – ishlab chiqarish vaqtining bir qismi bo‘lib, ish vaqtidan foydalanish darajasini ifodalovchi ko‘rsatkich.
Ish kuni – sutkaning ma’lum qismida ishchi, xizmatchinig korxonada mehnat qiladigan, ishlab chiqarish faoliyatida band bo‘ladigan vaqti.
Ish o‘rni – bu ishlab chiqarish makonining bir qismi bo‘lib, unda barcha asosiy va yordamchi texnologiya uskunalari, moslamalar, ish mebellari va maxsus qurilmalar joylashgan va ular muayyan turdagi ishlarni bajarish uchun mo‘ljallangan bo‘ladi.
Ish haqi – bu, yollanma xodim daromadining elementi, unga tegishli ishchi kuchiga bo‘lgan mulkchilik huquqini iqtisodiy jihatdan ro‘yobga chiqarish shaklidir. U mehnatning pul shaklidagi narxi bo‘lib, uni ishga yollaganlar mehnat qiluvchilarga ma’lum vaqt mobaynida, ma’lum miqdordagi va muayyan sifatli ishni bajarganliklari uchun to‘laydilar.
Ish haqining shakllari va tizimlari – bu, mehnatning miqdor natijalari va sifatiga (uning murakkabligi, intensivligi, shart-sharoitlariga) bog‘liq ravishda ish haqini belgilash mexanizmidir.
Ishbilarmonlik qobiliyati - bu tadbirkorlarning ishning ko‘zini bilishi, ishlab chiqarish, tijorat, bank ishi va boshqa faoliyatni samarali boshqara olishi, tavakkaliga, zarar ko‘rib, chuv tushib qolishdan qo‘rqmasdan xatarli faoliyat bilan shug‘ullanishga jazm qilishi, iqtisodiy hatarga borishidir.