Шахсий сифатларини ўзи томонидан баҳолаш методикаси

Шахсий сифатларини ўзи томонидан баҳолаш методикаси
Ҳарбий хизматчининг касбий фаолияти, жамоадагилар билан ўзаро муносабати ва хулқ-авторини ўзи томонидан тартибга солиши фақат қобилият, билимлари ва умумий камолотигагина боғлиқ эмас, балки шахслилик сифатларини ўзи тмонидан баҳолашига ҳам дахлдордир.
Ҳарбий хизматчи ўзини юқори, тўғри ёки паст баҳолаши мумкин. Шу боис ҳарбий хизматчининг шахсини атрофдагилар билан бир қаторда ўзини ўзи баҳолашини ҳам инобатга олиш у юзасидан зарур маълумотлар олиш имкониятини яхшилайди. Ҳарбий шахснинг ўзини ўзи баҳолаши билан қўмондон томонидан бериладиган баҳонинг ўзаро қиёсий ўрганилиши алоҳида шахс билан ҳарбий жамоадаги низоларни аниқлашда қўл келади.
Методикани қўллашга тайёрлаш босқичи
Дастлаб методика қўлланиладиган объект аниқланади: взвод (рота) ёки бўлинмалар. Методикани қўллаш учун қўмондонлик билан келишган ҳолда ҳарбий бўлинмадан синовда иштирок этаётганлар жалб этилади. Бунинг учун ҳар бир синалувчиларда сўровнома анонимлиги таъминланиши лозим. Текширув ўтказилаётган хонада ҳар хил шахслилик сифатлари рўйхати ёзилган плакат осиб қўйилади. Плакатда қуйидаги шахслилик сифатлари қайд этилади:
адоватли, ақллилик,асабий,бардошлилик, беғам, вазмин, ғайратлилик, гумондорлик, дадиллик, журъатсиз, жўшқинлик, завқланувчанлик, илтифотлилик, инжиқлилик, ишонувчанлик, кек сақловчи, кўнгилчан, қатъийлик, қизиқувчан, қўпол, қўрқоқлик, латофатлилик, мағрур, меҳрибонлик, мулойимлик, мулоҳазали, нафратлилик, одамови, принципиаллик, раҳмдил, самиймийлик, сержаҳиллик, синчков, совуққонлик, соддалик, сусткашлик, такаббурлик, тез аччиқланувчналик, тиришқоқлик, тортинчоқ, ўзини ўзи назорат қилувчи, хаёлпарастлик, хушфеъллик, хушчақчақ, ҳозиржавоб, чидамлилик, шиддатлилик, шубҳаланувчан, эркинлик.
Тақдим этилаётган шахслилик сифатлари синалувчиларнинг тоифасига қараб ўзгартирилиши мумкин (оддий аскарлар, сержантлар, прапорщи­клар, офицерлар).
Ҳар бир синалувчи- ҳарбий хизматчига 2 тадан қуйидаги кўринишдаги қайд этиш варақалари тақдим этилади: