Шахсий компьютерлар ва уларнинг ривожланиш босқичлари

Клавиатуранинг махсус тугмачалари
Клавиатурада алифбо, рақамли ва тиниш белгили тугмачаларидан ташқари бошқа махсус тугмачалар ҳам мавжуд:
- [Enter] тугмачаси (баъзи бир клавиатураларда [Return] ва [CR]) сатр киритилишини тугаганлигини билдиради. Масалан, MS DOS командаларининг киритилиши учун ҳар бир команда [Enter] тугмачасининг босилиши билан тугалланиши керак. "Enter" сўзининг маъноси киришдир.
- [Del] тугмачаси, тўлиқ "delete" сўзидан олинган бўлиб, олиб ташлаш маъносини билдиради ва курсор кўрсатаётган белгини олиб ташлаш учун ишлатилади.
- [Ins] тугмачаси ("insert" сўзидан олинган бўлиб, суриш маъносини билдиради) белгиларни киритишда суриш режимидан алмаштириш режимига ўтишни таъминлайди.
- [Backspase] (еки [Enter] устидаги чапга йўналган чизик) тугмачаси курсордан чапдаги белгини ўчиради.
- [], [], [], [], [Home], [End], [PgUp], [PgDn] тугмачалари курсорни бошқариш тугмачалари дейилади.
Қоидага кўра, бу тугмачаларнинг босилиши курсорни мос йўналишда (Home - сатр бошига, End - сатр охирига) сурилишига ва матнни "варақлашга" (PgUp - орқага, PgDn - олдинга) олиб келади.
- [Num Lock] (ракамлар режими) тугмачаси босилган ҳолда, клавиатуранинг ўнг томонида жойлашган 1 - 9,0 рақамларидан фойдаланиш мумкин, акс ҳолда [], [], [], [], [Home], [End], [PgUp], [PgDn], [Ins] ва [Del] тугмачалари ишлайди.
- [Esc] тугмачаси командани бекор қилиш, программадан чиқиш учун фойдаланилади.
- [F1] - [F12] функционал тугмачалар турли махсус амалларни бажариш учун зарур. Уларнинг вазифасини бажараётган программа белгилайди.
- [Ctrl] ва [Alt] махсус тугмачалар вазифасини ўзгартиради. Бу тугмачалар бошқа тугмачалар билан биргаликда программа ишига таъсир кўрсатади.
- [Print Screen] - тугмачаси экрандаги тасвирни принтерга чиқаради.
- [Break] - тугмачаси программа ишини тўхтатиш учун ишлатилади.
Дискеталар
Дискеталар маьлумотларни бир компьютердан иккинчисига ўтказиш ва маьлумотларни сақлаш учун ишлатилади. Асосан 5,25 ва 3,5 дюймли дискеталардан фойдаланилади. 5,25 (133 мм) дюймли дискеталар ҳажмига кўра турлича бўлади: 180, 360 (Double Side/Double Density, DS/DD) Кбайт ва 1,2 (Double Side/High Density, DS/HD), 2 Мбайт. 1,2 Мбайтли дискеталар махсус магнит қопламага эга. Шунинг учун уларни 360 Кбайтли дискларни ўқиш қурилмасида ўқиш мумкин эмас. Улар махсус диск ўқиш қурилмасида ўқилади. Улар 360 Кбайтли дискеталарни ҳам ўқий олади. 360 Кбайтли дискеталар ички тирқишида қора тусдаги халқачага эга. 3.5 дюймли (89 мм) дискеталар ҳажми 0.72, 1.44, 2 ва 2.88 Мбайт. Улар ишончлироқ, чунки қаттик пластмасс қобиқ ичида жойлашган. Хозирги кунда 3.5 дюймли дискеталар кенгрок тарқатилган. 5.25 дюймли дискеталарнинг махсус ҳимоя тирқиши бор, агар у беркитилса, дискетага маьлумот ёзиш мумкин бўлмайди. 3.5 дюймли дискеталарда бу вазифани дискета пастки чап қисмида жойлашган махсус тугмача бажаради. 360 Кбайтли дискета 2 интервалда босилган 200 бетли маьлумотни сақлаши мумкин. 5.25 дюймли дискеталарни эҳтиётлик билан ишлатиш лозим, очиқ кисмларига кул теккизмаслик махсус конвертларга сақланиши зарур. Программалар кундан-кунга мураккаблашиши ва ҳажми ошиш билан уларни сақлаш учун махсус дискетлар яратилиш зарурати туғилади. Шунинг учун лазерли CD-ROM дисклари яратилди. Уларнинг ҳажми 650 Мбайтгача. Ҳозирги кунда улар катта ҳажмдаги программаларни, видео ва энциклопедик маьлумотларни сақлашда кенг қўлланилмоқда.
Фойдаланилган адабиётлар:

1. 
   Ғуломов С.С., Шермухамедов А.Т., Бегалов Б.А. Иқтисодий информатика. Т.: "Ўзбекистон", 1999.- 164-206 бетлар.
   
2. 
   Информатика. Учебник.- 3-е изд.,перераб .- М.:Финансы- статистика, 1999.- 119-201 бетлар.
   

1. 
   Информатика. Базовый курс./ Симонович С.В. и др. Спб.:изд.: Питер, 2000.- 39-92 бетлар.
   
2. 
   Глушаков С.В.,Мельников И.В. Персональный компьютер. Учебный курс.-Харьков : Фолио: Ростов Н/Д: Феникс: 2000.- 5-29 бетлар.
   

1. 
   Фигурнов В.Э. IBM PC для пользователей. Краткий курс. Москва: Инфра,1996. - 16-51 бетлар.
   
2. 
   www.ziyonet.uz