Шахс ва жамият ўқитувчи учун услубий қўлланма

УМУМИЙ УСЛУБИЙ МАСЛАҲАТЛАР
Ўқувчилар ўзлари кўникиб қолган турмуш шароити ва нарсаларидан фарқли вазиятларда (масалан, яхши кўрган қўғирчоғини йўқотиб қўйганда, ёки уйдагидан фарқли шароитга тушиб қолганда) қандай туйғуларни ҳис этганликлари ҳақида ўйлаб кўришлари керак: улар кимдан ёрдам кутишган, кимнинг қўллаб-қувватлашига умид қилишган­­­­­­, ким уларга ёрдам берган, одамлар уй-жойни ташлаб кетишга мажбур бўлган кишиларнинг аҳволини тушунишадими ва ҳоказо.


САВОЛЛАРГА ОИД ТУШУНТИРИШЛАР
1-савол. Ушбу ибораларнинг бир қанча таърифлари мавжуд. Биз қуйида уларнинг баъзиларини келтирамиз: шахс – ўз тафаккури, ҳис-туйғуси, иродаси, ахлоқий, эстетик ва бошқа хислатларида ижтимоийликни акс эттирган ва айни ҳолда ўз индивидуаллигида намоён бўлган инсондир; индивидуаллик – бир индивидуумни бошқасидан ажратиб турувчи унинг ўзига хос характери ва психологик хусусиятлар. Шахс – инсондаги ижтимоий хислатларнинг яхлитлиги, индивидуаллик – бир шахсни бошқа шахслардан ажратиб турувчи унинг ўзига хос ноёб хусусиятлари.
4-савол. Масалан, иқтисодий, ижтимоий, сиёсий сабаблар.
6-савол. Топшириқ ўқувчиларнинг жадвални тўлдиришда бундай кишилар турли даврларда нималарни бошдан кечирганликлари ва бошдан кечиришлари мумкинлиги хусусида фикр юритишларига қаратилган. Жадвални тўлдиришда қуйидагича жавоблар бўлиши мумкин:

Азоб-уқубат турлари	1-матнда	2-матнда
Жисмоний	Қулоқларига қум тўлиб қолди, чанқаб кетиш, тишлар орасида қумнинг ёқимсиз ғижирлаши, Масиҳий чеккан азоблар ва унинг секин-аста вафот этиши, сув ва овқат етишмаслиги.	Фронт яқинидаги қишлоқда яшаш сабабли ҳаётнинг хавф остида бўлиши.
Руҳий	Бўрондан олдинги қўрқув, Масиҳийнинг ўлимини олдиндан ҳис этиш, Абу Алидаги ночорлик туйғуси.	Ҳатто ўйинчоқ бахмал кучукча ва бошқа майда-чуйда нарсалар ҳам ўз маъносига эга бўлган қадрдон уйни тарк этишга мажбур бўлиш; қачондир уйга қайтиш эҳтимолига шубҳа билан қараш.