Shahar muhandislik tarmoqlar fanidan

SHAHAR MUHANDISLIK TARMOQLARI FANIDAN

1–MA’RUZA

“SHAHAR MUHANDISLIK TARMOQLARI” FANINING MAZMUNI

Ma’ruzachi katta o`qituvchi (PhD): Xusomiddinov Axror Sabriddin o‘g‘li
Reja:

• Shahar yo‘llari va ko‘chalarida muhandislik tarmoqlari fanining maqsad va vazifalari.
• Zamonaviy shaharni loyihalashda muhandislik masalalari
• Shaharlarda muhandislik tarmoqlari muhandislik kommunikatsiyalari.

Kalit so`zlar: muhandislik tarmoqlari, tranzit, avtomobil yo‘llari, korroziya.

Bugungi kunda mamlakat iqtisodiyotini rivojlantirish va jahon bozorlariga chiqishda avtomobil yo‘llari asosiy transport karidorlari vazifasini bajarmoqda. Shu nuqtai nazardan avtomobil yo‘llarini va shahar ko‘chalarini jahon andozalariga moslab loyihalash va qurish dolzarb masalalardan hisoblanadi. Shuning uchun ushbu fan asosiy mutaxassislik fani sifatida ishlab chiqarishning ajralmas bo‘g‘ini sanaladi.
O‘quv fanining dolzarbligi va oliy kasbiy
ta’limdagi o‘rni
Respublikamizni iqtisodiy rivojlanishi va taraqqiy etishi eng avvalo transport kommunikasiyalarining xolatiga bog‘liqdir. Transport kommunikasiyalarini loyihalash jarayonlariga zamonaviy texnologiyalarni qo‘llash ularni loyihalash sifatlarini oshirishga, bu ishlarni kam ishchi kuchi sarflab, qisqa muddatlar ichida bajara olishga imkoniyat yaratadi. Shu boisdan ham yo‘l-transport kommunikasiyalarini loyihalash, qurish jarayonlari va bu soha bo‘yicha mutaxassislarni tayyorlash sifatini oshirish katta muhim axamiyatga ega.
“Shahar muhandislik tarmoqlari” fani xozirgi vaqtda jahon talablari va standartlariga javob byeradigan avtomobil transportida xalqaro tranzit va respublika ichidagi yuklar va yo‘lovchilarni yil davomida bir maromda va samarali tashishni ta’minlovchi umum foydalanuvdagi O‘zbekiston Respublikasi yo‘llarini va shahar ko‘chalarini loyihalash nuqtai nazaridan muxhim hisoblanadi. “Shahar muhandislik tarmoqlari” fanini chuqur o‘rganish tegishli sohalar muammolarini hal qilishda muhim rol o‘ynaydi. Fan bo‘yicha o‘rganilayotgan mavzular ishlab chiqarish talablari va muammolarini hal etish bo‘yicha ko‘riladigan masalalarni qamrab olgan.