Shaftoli ko‘chatini ekish jarayoni qanday?

28.06.2017 | Bog'bonchilik | 52 marta ko‘rilgan

Shaftoli ko‘chatini ekish jarayoni qanday?

Shaftoli bog‘ yaratish mo‘ljallangan yer maydoni kuzda yoki erta bahorda mahalliy va mineral o‘g‘itlar bilan ishlanib, 40-60 sm chuqurlikda pluglanadi. Bu ishni kuzda qilgan yahshiroq. Shaftoli ko‘chati bog‘larda asosan 5×4,5×5,6×3 metr oraliqda, chuqurligi va diametri 40-50 sm hajmdagi chuqurlar kovlanib ekiladi.

Tomorqalarda yer maydonidan ko‘proq foydalanish maqsadida ko‘chatlar orasini nisbatan zichroq 3,5×3,5, 3,5×4, yoki 3×4 sxemalarda ham ekiladi. Shaftoli bog‘lari asosan shaxmat usulida barpo qilinadi. Chunki shaftoliga kosasimon shakil berilgani uchun daraxt shoxlari hamma tomonga bir hilda tarqaladi va shaxmat usulida ekilgan bog‘larda daraxtlar bir-biriga zarar yetkazmaydi.

Ko‘chatlarni yer sathidan bir xil balandlikda, payvandlangan joyini tuproq ko‘mib qo‘ymaydigan qilib o‘tqaziladi. Bu jarayonda payvandust shamol esadigan tomonda joylashishi zarur. Ya’ni shaftoli ko‘chatlari asosan kurtak payvand orqali ko‘paytirilgani uchun shamol yo‘nalishiga nisbatan ekiladigan bo‘lsa, kuchli shamollarda payvandtagdan ajralib, sinib ketishi mumkin.

Ekish jarayonida har bir ko‘chat tagiga suv quyib ekish yoki ekib bo‘linganidan keyin, qator bo‘ylab sug‘orish mumkin. Dastlabki shakl berish jarayoni ekish bilan birga yoki ekishdan oldin, ekib bo‘lingandan keyin darhol yoki sal keyinroq, ko‘chat ko‘karishni boshlagandan so‘ng bajarilishi mumkin. Shakilning kutilganidek chiqishi ham ko‘proq birinchi yilgi kesishga bog‘liq.

Ko‘chatlar yaxshi o‘rnashib olgunicha tez-tez 3-5 kunda sug‘orib turiladi. Yosh daraxtlar vegetatsiya davrida tuproqning suvga bo‘lgan talabiga qarab 13-16 marta, hosilga kirganlari esa 4-5 marta, toshloq yerlarda 10-12 marta sug‘oriladi.

 

Home  Bog'dorchilik  Yosh daraxtlarni payvandlash

•