Шаҳарсозлик нормалари ва қоидалари

Йўл пойининг устки қисми (ишчи қатлам)


6.11. Йўл пойининг устки қатламини ва йўл тўшамасининг мустаҳкамлигини ва барқарорлигини таъминлаш учун қоплама юзасининг ер ости сувларининг ҳисобий сатҳидан, ер юзасидаги сувлар ёки узоқ муддат (30 суткадан ортиқ) турувчи ер юзаси сувларидан, шунингдек юзасидан оқиб кетиш таъминланмаган ер қисмларидан ёки қисқа муддат (30 суткадан кам) турувчи юза сувлари сатҳидан кўтарилиши қиймати 31-жадвал талабларига жавоб бериши лозим.
6.12. Лессимон тупроқларда йўл тўшамаси қопламаси юзасининг ер ости сувлари сатҳидан кўтарилиши уларнинг зичланишидаги намлиги ва талаб қилинган зичлик коэффициентига қараб 32-жадвал бўйича қабул қилинади.
6.13. Ёнбағир нишабликлари 1:1,5 дан кам, шунингдек бермалар билан лойиҳаланаётган кўтармалар қоплама юзасининг кўтарилишини ҳисоб асосида аниқлашга рухсат этилади.
Ишчи қатламда турли тупроқлар мавжуд бўлганда кўтарилиш энг юқори кўтарилиш қиймати талаб қилинадиган тупроқ бўйича қабул қилинади.
31-жадвал

Ишчи қатлам тупроғи	Йўл-иқлим минтақалар доирасида қоплама юзасининг энг кам кўтарилиши, м
	I	II	III	IV
Майда қум, енгил йирик супесь, енгил супесь	0,5/0,3	0,6/0,4	0,4/0,2	0,9/0,7
Чангсимон қум, чангсимон супесь	0,8/0,5	1,0/0,6	0,7/0,4	1,2/0,9
Енгил суглинок, оғир суглинок, лойлар	1,1/0,8	1,3/1,0	1,0/0,7	1,5/1,2
Оғир чангсимон супесь, енгил чангсимон суглинок, оғир чангсимон суглинок	1,2/0,8	1,4/1,0	1,1/0,7	1,6/1,2

Изоҳлар: 1. Суратда - қоплама юзасининг ерости сувлари сатҳидан, ер юзасидаги сувлардан ёки узоқ муддат (30 суткадан ортиқ) турадиган ер юзасидаги сувлардан кўтарилиши, махражда - худди шундай, оқиб кетиш таъминланмаган қисмлар ёки қисқа муддат (30 суткадан кам) турувчи ер юзасидаги сувлар сатҳидан кўтарилиши.
2. Ерости сувларининг ҳисобий сатҳи деб қопламалар мустаҳкамлигини тиклаш (мукаммал таъмирлаш) ўртасидаги даврга тўғри келувчи баҳор пайтидаги (далаларни ювишдан кейинги) энг катта сатҳни олиш керак. Ерости сувларнинг ҳисобий сатҳини вилоятлардаги илмий-тадқиқот ва йўл-лойиҳа институтларнинг қидириш ишлари даврида қисқа муддатли бир марта ўлчанган маълумотлари ва башоратлари бўйича белгилаш лозим. Бундай маълумотлар бўлмаганда, шунингдек энг катта сув мавжуд бўлса ҳисобий сатҳ учун тупроқларнинг лойланиши устки чизиғида бўйича аниқланган сатҳни олишга рухсат этилади.