Шаҳар транспорти

I	II	III	IV
V
Ҳаракатнинг ҳисобий тезлиги, км/с	150	120	100	80	60
Қатнов қисмининг кенглиги, м	Камида 15	7,5	7	6	4,5
Обочина кенглиги, м	3,75	3,75	2,5	2	1,75
Ер полотнаси кенглиги	Камида 27,5	15	12	10	8
Максимал бўйлама қиялик, ‰	30	40	50	60	70
Минимал эгрилик радиуси, м	1000	600	400	250	125

I категорияли йўлларнинг қарама-қарши йўналишлари камида 5 м кенгликдаги ажратувчи полоса қуйилади (улкан шаҳарлар ва саноат марказлари атрофида йўлни истиқболда кенгайтиришни кўзда тутган ҳолда, иккала йўналишда 3,75м қатнов қисми қушиш учун ажратувчи полосалар 12,5 м кенгликда қурилади).
Автомобил йўлларида турли сатҳли кесишмалар қуйидаги ҳолларда бажарилади: I категорияли йўлларнинг барча турдаги йўллар билан кесишмаси; II категорияли йўлларнинг II ва III категорияли йўллар билан кесишмаси; III категорияли йўлнинг ўзаро кесишмаси (қачонки, қарама-қарши йўналишдаги ўртача кунлик ҳаракатнинг истиқболдаги жадаллиги 4000 автомобилдан ошганда).
Ташқи йўлларда турли сатҳли кесишмаларнинг энг кўп тарқалган тури бу «клевер» схемасидир (тўлиқ ва тўлиқсиз).
Ажралиш йўлаклари имкони борича камайтирилади: I ва II категорияли йўлларда ажралувчи йўлаклар камида бир-биридан 5 км, III категорияли йўлларда эса - хар 2 км да мўлжалланади.
Автобус тухташ жойларида қатнов қисми 3,75 м га кенгайтирилиб, унинг узунлиги бир вақтда тухтайдиган автобуслар сонига қараб белгиланади, лекин 10 м дан кам бўлмайди.
Йўловчиларга хизмат кўрсатувчи шаҳарлараро автобуслар маршрутидаги автовокзаллар, шаҳар чегарасидаги умумшаҳар миқёсидаги магистраллар олдида ёки марказий ва йўлдош туманлар чегарасида жойлаштирилади. Автовокзал таркибида қуйидагилар кўзда тутилади: йўловчилар учун кўтиш зали, буфет, санузел, мехмонхона, почта, юкхона, йўловчиларни тушириш ва автобусларга чиқариш майдончалари, идора, бошқарув пункти, гаражлар, ювиш хонаси, автобусларга техник хизмат кўрсатиш ва кичик таъмирлаш хоналари, ёқилғи қуйиш шохобчаси.
I-III категорияли автомобил йўллари тураржойларни кесиб ўтмаслиги ва икки томонлама қурилмаслиги лозим. Тураржой йўл қатнов қисми четидан камида 200 м масофада жойлашиши лозим. Бу оралиқни кишлок хужалиги эхтиёжи учун, мевали дарахтлар, бутазорлар сифатида ишлатиш лозим.

1.3.2. Темир йўл транспорти

Темир йўл одатда катта майдонни эгаллаб, унинг ўлчами МДҲ нинг умумий темир йўл тизимидаги тутган аҳамиятига, шаҳарнинг транспорт тармоғига бўлган талабига боғлик. Темир йўл тармоғи, темир йўлларнинг умумий тизимидаги аҳамиятидан келиб чиқиб, унинг туридан, юк ташиш ўлчами ва жадаллигига қараб 4та категорияга бўлинади.

1. 
   Давлатлараро алоқани таъминлайдиган темир йўл магистрали.
   

Тезлиги: а) 120км/с дан ортиқ; б)120 км/с гача. Йўлнинг максимал бўйлама қиялиги 15 ‰.
2. Давлат ичкарисидаги туманлараро алоқани таъминловчи темир йўл тармоғи. Йўлнинг максимал бўйлама қиялиги 15 ‰.
3. Маҳаллий аҳамиятдаги темир йўл тармоғи. Йўлнинг максимал бўйлама қиялиги 20 ‰.
4. Станцияларга кирувчи ва боғловчи йўллар. Йўлнинг максимал бўйлама қиялиги 20 ‰.
Ер полотносининг кенглиги I категорияли йўллар учун 7-6м, II катего­рия учун 6,5–5,8 м, III категория учун 6–5,2 м, 1V категория учун 5,5 - 5 м.
Икки йўлли тармоқда ер полотнасининг кенглиги I ва II категория учун 11,1–10,1 м. Темир йўл тармоғининг умумий кенглиги (прогонларда) йўл жойлашган чуқурликнинг ёки кўтарилган ер полотнасининг баландлигига ва қиялик даражасига боғлиқ.
Темир йўл тармоғи ва станциялари шаҳардан, четда жойлашган йўлнинг уқидан камида 100 м, тураржойлардан – 50 м узоқликда лойиҳаланади. Ҳимоя зонасининг камида ярми кўкаламзорлаштирилади. Ҳимоя зонасида автомобил йўллари, транспорт қурилмалари ва иншоотлар жойлаштирилиши мумкин.