Ш. З. Умарованинг таҳрири остида

 
 

---

173 
Давлат-хусусий шериклик шартлари асосида ижтимоий дорихонани 
ташкил этиш 
Хусусий шериклик учун номзодни танлаш қуйидагиларга асосан 
амалга оширилади: 
-
дори воситалари ва тиббий буюмларнинг чакана реализацияси учун 
лицензиянинг мавжудлиги; 
-
дислокацияга киритилган барча тармоқ филиалларини тўла ҳажмда 
товарлар билан таъминлаш учун тегишли моддий-техник базанинг, товар 
захирасининг ва айланма воситаларининг мавжудлиги; 
-
аҳолини, шунингдек имтиёзга эга айрим тоифадаги шахсларни дори 
воситалари ва тиббий буюмлар билан таъминлаш, дори воситалари ва 
тиббий буюмларнинг алоҳида ҳисоб-китобини олиб бориш имконини 
берувчи дастурнинг мавжудлиги; 
- қишлоқ шифокорлик пунктлари мавжуд бўлмаган, шунингдек, тоғли 
ўлкалар ва чекка ҳудудларни дори воситалари ва тиббий буюмлар билан 
таъминлаш учун махсус ихтисослаштирилган автомобилнинг мавжудлиги. 
Ижтимоий дорихоналар фаолиятини амалга ошириш мақсадида 
хусусий шериклик учун номзод танлаш тўғрисидаги қарор Ўзбекистон 
Республика Соғлиқни сақлаш вазирлиги давлат-хусусий шериклик 
номзодини танлаш хайъат (кейинги ўринларда комиссия деб аталади) 
томонидан қабул қилинади. Хайъат таркиби, унинг ишчи органи ва фаолият 
регламенти Ўзбекистон Республика Соғлиқни сақлаш вазирлиги томонидан 
тасдиқланади. 
Хусусий шерик номзодини кўриб чиқиш ва қарор қабул қилиш учун 
Соғлиқни сақлаш вазирлигининг расмий веб-сайтига ўз аризасини 
жойлаштиради, аризада қуйидагилар кўрсатилади: 
-
юридик шахснинг номи ва ташкилий-ҳуқуқий шакли; 
-
юридик манзили; 
-
банк реквизитлари; 

---

174 
-
дори воситалари ва тиббий буюмларнинг чакана реализацияси учун 
берилган лицензиянинг рўйхат рақами; 
-
дори воситалари ва тиббий буюмлар, товар захираси ва айланма воситалар, 
улар тўғрисидаги маълумотларни тасдиқловчи ҳужжатларнинг алоҳида 
ҳисоб-китобини олиб бориш имконини берувчи дастурни ўз ичига 
олувчи моддий-техник база ҳақидаги маълумот. 
Маълумотларнинг ишончлилиги Ўзбекистон Республикаси Соғлиқни 
сақлаш вазирлиги томонидан идоралараро электрон ҳамкорлик ёрдамида 
текширилади. 
Комиссия ариза қабул қилинган кундан бошлаб беш иш куни 
мобайнида номзодга Комиссия мажлисининг ўтказиладиган жойи ва вақти 
тўғрисида хабар беради. 
Давлат-хусусий шериклик тўғрисидаги шартномани имзолаш учун 
номзод ўзининг номзодини кўриб чиқишда Комиссия йиғилишида қатнашиш 
ҳуқуқига эга. 
Комиссия аризани ўн иш кунидан ортиқ бўлмаган муддатда кўриб 
чиқади ва давлат-хусусий шерикчилик тўғрисида шартнома тузиш ёки уни 
тузишни рад этиш тўғрисида қарор қабул қилади. 
Комиссия қарор қабул қилинган кундан эътиборан уч кун ичида қабул 
қилинган қарор тўғрисида номзодни хабардор қилади. 
Давлат-хусусий шериклик тўғрисида шартнома тузишни рад этиш 
тўғрисида қарор қабул қилинган тақдирда номзодга асослантирилган рад 
этиш тўғрисидаги хабарнома юборилади. 
Давлат-хусусий шериклик тўғрисидаги шартнома тузишни рад этиш 
ҳақидаги Комиссия қарори юзасидан белгиланган тартибда шикоят 
қилиниши мумкин. 
Давлат-хусусий шериклик тўғрисида шартнома тузиш бўйича 
Комиссиянинг қарори давлат томонидан шерикка кейинги иш кунидан 
кечикмай тақдим этилади. 

---

175 
Давлат ҳамкори уч кун муддатда номзодга ушбу низомнинг иловасига 
мувофиқ шаклдаги давлат-хусусий шериклик шартномаси лойиҳасини 
юборади. 
Ижтимоий дорихонада дори воситалари ва тиббий буюмларнинг 
нархларини назорат қилиш Ўзбекистон Республикаси Хусусийлаштирилган 
корхоналарга кўмаклашиш ва рақобатни ривожлантириш давлат қўмитаси, 
ҳамда Ўзбекистон Республикаси Бош прокуратураси ҳузуридаги солиқ, 
валютага оид жиноятларга ва жиноий даромадларни легаллаштиришга қарши 
курашиш департаменти томонидан амалга оширилади. 

---

176