Ш. З. Умарованинг таҳрири остида

5.2. Дори воситаларини ёзиш ва тайинлаш тартиби 
Амбулатор шароитда беморларга дори воситаларини тайинлаш ташҳис 
ва даволаш стандартлари асосида бир марталик, кунлик ва курс дозаларини 
белгилаш йўли билан касалликнинг тури, оғирлиги ва хусусияти ҳамда 
беморнинг ёшини ҳисобга олган ҳолда амалга оширилади ва тайинланган 
дори воситалари (дори воситаларининг номи, бир кунлик дозаси, қабул 
қилиш ёки юбориш усули, миқдори, давомийлиги ва бошқалар) унинг тиббий 
ҳужжатлари (амбулатор картаси, боланинг ривожланиш тарихи ва 
бошқалар)да қайд қилинади ва бевосита шифокор томонидан имзоланади. 
Стационар даволаш-профилактика муассасасида даволанган беморга 
амбулатор шароитда даволанишни давом эттириш зарур бўлган ҳолларда 
рецепт амбулатор-поликлиника муассасасининг шифокори томонидан 

---

213 
беморнинг тиббий ҳужжатларидан олинган кўчирмасидаги даволовчи 
шифокорнинг амбулатор шароитда дори воситасининг қўлланилиши 
ҳақидаги тавсиясига асосан берилади. 
Амбулатор шароитда шошилинч тиббий ёрдам,паллиатив тиббий ёрдам 
кўрсатилишида ва касаллиги сурункали бўлган беморларни даволашда дори 
воситаларининг тайинланиши ва ёзилиши тасдиқланган диагностика ва 
даволаш стандартларига мувофик, касалликнинг ўзига хос одатдагидек 
кечиши, касалликнинг оғирлиги ва табиатидан келиб чиққан ҳолда шифокор 
томонидан амалга оширилади. 
Дори воситаларининг амбулатор шароитда шошилинч тиббий ёрдам ва 
паллиатив 
тиббий 
ёрдам 
кўрсатилишида 
даволаш-профилактика 
муассасасининг бўлим мудири билан келишиш асосида тайинланиши ва 
ёзилиши қуйидаги ҳолларда амалга оширилади: 
бир сутка давомида бир беморга беш ва ундан ортиқ дори воситалари ёки бир 
ой давомида ўндан ортиқ номдаги дори воситалари тайинланганида; 
дори воситаларининг қўлланилиши натижасида касалликнинг ўзига хос 
кечмаслигида; 
асосий ва (ёки) йўлдош касалликлар асорати мавжудлигида; 
дори воситалари ўзаро таъсирининг ва мутаносиблигининг ўзига хослиги 
туфайли айрим дори воситаларининг тайинланиши уларнинг қўлланилишига 
доир йўриқномаларга мувофиқ фармакотерапиянинг самарадорлиги ва 
хавфсизлиги ва (ёки) бемор ҳаёти ва соғлиғига хавф туғдириши мумкин 
бўлган ҳолларда.