Sh. T. Otaboev t. I. Iskandarov kommunal gigiena

AHOLI TURAR JOYLARINI KO’KALAMZORLASHTIRISHNING GIGIENIK AHAMIYATI
SHahar va ishchi posyolkalarining tabiiy holati, uning ko’rkamligi, orombaxshligi faqat insonlarning o’ziga bog’liq. Ularning qo’li bilan istirohat bog’lari, hiyobonlar, kichik o’rmonlar vujudga keladi. Bular aholining dam olish maskaniga aylanadi.
Daraxtzorlar havoni oksigen bilan boyitib, havoni turli iflosliklardan tozalaydi. Daraxtzorlar suv bo’ylarida barpo etilgan hiyobonlar, qator qilib ekilgan madaniy daraxtlar shahar husniga-husn qo’shadi, kishilarning dilini yoritib, asabini yaxshilaydi. SHuning uchun ham shaharlar, ishchi posyolkalari loyihasi tuzilganda ularni ko’kalamzorlashtirish inobatga olinadi.
Katta shaharlarda umumiy istirohat bog’laridan tashqari, bolalar uchun maxsus ko’kalamzor maydonlar, istirohat bog’lari, hayvonot bog’lari tashkil qilinadi. SHahardagi istirohat bog’larining maydoni 15 gektardan kam bo’lmasligi kerak. Rayonlarda 10 gektarni, hiyobonlar 3 gektarni tashkil etishi lozim. Birgina Toshkent shahrining o’zida 10 ga yaqin istirohat bog’i bor. Bulardan tashqari juda ko’p hiyobonlar, madaniyat bog’lari borki, bular shahar ko’rkiga ko’rk qo’shish bilan birga shahar havosini tozalashda ham ahamiyatlidir. Quyida yashil maydonlarning kishi boshiga to’g’ri keladigan miqdorini keltiramiz.

4-j a d v a l Kishi boshiga to’gri keladigai yashil maidoilar (m hisobida)