Ш. О. Кувандиков Макроиқтисодий барқарорлик ва

Биринчидан, мамлакатимизда иқтисодиётни эркинлаштириш, кўпмулкчиликка асосланган рақобатли иқтисодиётни шакллантириш масаласи қўйилди ва бунга унча кўп муддат ўтмасдан эришилди. Мулкдорлар синфи шакллантирилди, хусусий мулк эгалари пайдо бўлди. Мамлакатда бозор муносабатларини шакллантириш масаласи босқичма-босқич амалга оширилди ва бу жараён давом этмоқда.
Иккинчидан, юртимизда барқарор иқтисодий ривожланиш таъминланди. Биринчилардан бўлиб мустақил давлатлар ҳамдўстлиги (МДҲ) давлатлари ичида 1996 йилдан бошлаб ЯИМнинг ўсишига эришилди. 2001 йилда биринчилардан бўлиб МДҲ давлатлари ичида мустақилликгача бўлган ишлаб чиқариш даражасига етдик. Кейинги 10 йил давомида мамлакат ялпи ички маҳсулотининг ҳажми ўртача 8,0 фоиздан кам бўлмаганлиги ҳам мамлакатимизда ишлаб чиқаришнинг барқарор равишда юқори суръатлар билан ривожланаётганлигидан далолат бериб турибди. Масалан, 2008 йилда жаҳон молиявий-иқтисодий инқирози ҳуруж қилиб турган бир паллада катта-катта давлатлар иқтисодиёти рессесия ҳолатига тушиб қолган бир паллада ҳам мамлакатимиз иқтисоди ўсиш тенденциясига эга бўлди.
Учинчидан, иқтисодиётда чуқур таркибий ўзгаришлар амалга оширилди, тармоқ ва корхоналар бутунлай янгиланди, техник жиҳатдан қайта жиҳозланган, рақобатбардош ва экспортга йўналтирилган маҳсулотлар ишлаб чиқариладиган янги корхоналар ташкил қилинди, кичик бизнес ва хусусий тадбиркорлик соҳаси янги мазмун билан шакллантирилди ва уларни эркинлаштириш борасиди мисли кўрилмаган ишлар амалга оширилди, сервис ва хизмат кўрсатиш соҳаси иқтисодиётнинг асосий қисми сифатида эътироф этилди ва уни ривожлантириш устувор вазифи сифатида, унга ҳам алоҳида аҳамият берилмоқда.
Тўртинчидан, мамлакатнинг иқтисодий юксалиши билан ижтимоий муаммоларни ҳал қилиш масаласи ҳамиша қўшиб олиб борилди. Энг аввало, аҳолининг турмуш даражасини ва яшаш сифатини ошириш масаласи кун тартибида турган биринчи масалалар қаторидан жой олди. Аҳолининг асосий қими мулкдор бўлиши билан бирга тадбиркорликдан орттирилган даромадлари умумий даромадлар ҳиссасида ошиб бормоқда. Президентимиз маърузасида келтирилганидек, “Аҳоли даромадлари таркибида тадбиркорлик фаолиятидан олинаётган даромадлар улуши тобора ортиб бормоқда. Мустақиллик йилларида бу борадаги кўрсаткич 10,6 фоиздан 52 фоизга ўсди. Бу Мустақил Давлатлар Ҳамдўстлиги мамлакатларидаги энг юқори кўрсаткичлардан биридир”³.